Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

قازانج لە بواری کەرتی گشتی دەبێت سنووردار بکرێت

بڵاو کرایه‌وه‌ tisdag 8 november 2016 kl 08.33
نابێت قازانجی زیادە بچێتە گیرفانی خاوەن کۆمپانیاوە
(2:47 min)
reepalu
وێنە: HENRIK MONTGOMERY / TT

لێکۆڵەوەری حکوومەت پێشنیازی کردووە کە قازانجی کۆمپانیا تایبەتەکانی کەرتی گشتی نابێت لە سەدا 7 زیاتر بێت.

گەر بێت و قازانجی کۆمپانیایەک لەو سنوورە واتا لە سەدا 7 زیاتر بێت ئەوا ئەو زیادەیە دەبێت لە کۆمپانیاکەدا بەکاربهێنرێتەوە، بۆ بەرزکردنەوەی ئاستی کوالیتی خزمەتگوزاری لەڕێگەی بۆ نموونە دامەزراندنی کارمەندی زیاتر، خولی فێرکاری و باشکردنی هەلومەرجی کار. واتا قازانجی زیادە نابێت بچێتە گیرفانی خاوەن کۆمپانیاکانەوە. 

ئیلمار ریپالو لێکۆڵەوەر لەسەر ئەرکی حکوومەت لە پرسی قازانجی ئەو کۆمپانیا تایبەتانە کۆڵیوەتەوە کە لە کەرتی خزمەتگوزاریی گشتیدا سەرمایەگوزاریی دەکەن. ئەم پێشنیازە بۆ دیاریکردنی سنوورێک بۆ قازانج کەڵەکەکردن زیاتر ڕووی لەو زنجیرە کۆمپانیایانەیە کە لە بواری بۆ نموونە فێرگا، کەرتی تەندروستی و چاودێریی بەساڵاچوواندا هەن، ئەم کۆمپانیایانەیە کە دەبێت بنەمای کارکردنیان بگۆڕن گەر بێت و ئەم پێشنیازە ببێتە یاسا. ڕیپالو دەڵێت. 

 لەو لێکۆڵینەوەیەدا کە ئەمڕۆ پێشکەش بە حکوومەت دەکرێت پێشنیازی ئەوە هاتووە بۆ نموونە دەبێت مەرج لەسەر ئەو کۆمپانیا تایبەتانە دابنرێت کە لە کەرتی خزمەتگوزاریی گشتیدا کار دەکەن کە  دەبێت لەو بوارانەی سەرمایەگوزاریی دەکەن کارامەیی پێویستییان هەبێت و خزمەتوگوزاری گونجاو پێشکەش بکەن. واتا بۆ ئەوەی کۆمپانیایەک لە کەرتی خزمەتگوزاریی گشتیدا سەرمایەگوزاری بکەن دەبێت ئەو مەرجانە پڕ بکەنەوە و بۆ ئەوەش دەبێت داوای مۆڵەتی تایبەتیان لێ بکرێت.

جێی باسە لەو لێکۆڵینەوەیەدا کە ئەمڕۆ پێشکەش بە حوکوومەت دەکرێت جگە لە مەرجی کارامەیی و دیاریکردنی سنووری قازانج، پێشنیازی ئەوە کراوە کە ئەو کۆمپانیایانەی سەرمایەگوزاریی لە کەرتی خزمەتگوزاری و خۆشگوزەرانی گشتییدا دەکەن دەبێت سەقامگیرییەکی ئابووریی وایان هەبێت کە متمانە بە کار و خزمەتگوزارییەکانیان بکرێت.

زیاتر لەم بارەیەوە لە لینکی هاوپێچ بخوێنەرەوە!

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".