Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

خواستی بەکرێدانی خانوو بە تازەهاتووان زۆر لاوزە

بڵاو کرایه‌وه‌ tisdag 15 november 2016 kl 11.07
دەبێ لە ساڵێکەوە بۆ سێ ساڵ بێ لە سویدا ژیابن
(1:50 min)
.
وێنە: HENRIK MONTGOMERY / TT

لە شارەوانی ستۆکهۆڵمدا تەنها ٧٠ کەس خواستی خۆی بۆ بەکرێدانی خانوو بە تازەهاتووان نیشان داوە.

شارەوانی ستۆکهۆڵم بەرنامەی بۆ تۆمارکردنی گرێبەست بۆ ئەو کەسانەی دەیانەوێ خانووەکانیان بەدەستی یەک بە تازەهاتووان بدەن داڕشت بوو، بەڵام تەنها ٧٠ کەس خواستی خۆی بۆ ئەم هەنگاو نیشانداوە. ئەمە سەرەڕایی ئەوەی کە کەمی خانووبەرە ئێجگارە زۆرە.

 لەڕێگەی بەکرێ دانی خانووەوە لەلایەن تاکە کەسەوە شارەوانی ستۆکهۆڵم ئەمە بە هەلێکی باش زانیوە بۆ چارسەرکردنی کێشەی کەمووکورتی خانوو بۆ ئەو ٦٠٠٠ پەنابەرانەی تازە ئیقامەیان وەرگرتووە کە خانوویان دەست بکەوێ، بەڵام لە دەرئەنجامدا خواستەکە زۆر نەبووە.

هاوکات ئاماژە بەوە کراوە کە ئەو ٧٠ کەسەی خواستی بەکرێدانی خانووەکانی خۆیان نیشانداوە ئەم کارەی شارەوانی ستۆکهۆڵمیان بەرز نرخانداووە.

شارەوانییەکەش لەگەڵ چارەسەرکردنی کێشەی خانوودا ئەمە بەهەنگاوەێکی باش لە ڕوانگەی هاوگوونجییەوە دەبینێ.

بەپێی تەلەفزیۆنی سوید شارەوانی بۆ هەر ژوورێک ٤٠٠٠ کرۆن وەک کرێ بە خاوەن خانووەکە دەدات. بۆ هە شووقەیەکیش ٨٠٠٠ کرۆن. هاوکات ئەگەر خانووکە هێندە گەورەبێ جێگەی خێزانێکی تێدا ببێتەوە ئەوا شارەوانییەکە ١٢٠٠٠ کرۆن بە خاون خانووکە دەدات. ئیدی ئەگەر ڤێلاش بێ. هاوکات ئاماژە بەوە کراوە کە ئەو کەسانەی ئەم هاوکارییە دەیانگرێتەوە دەبێ مافی پەنابەریان وەگرتبێ و لە ساڵێکەوە بۆ سێ ساڵ بێت لە سویددا بن، بەتایبەتیش خێزان و منداڵی بەتەنها هاتاتوو.

جێگەی باسە کە شارەوانی ستۆکهۆڵم لە ئێستادا کێشەی کەمی خانوو هەیە. ئەگەر بێت خانوو بۆ ئەو تازە هاتووانەی مافی پەنابەریان وەرگرتووە چارەسەر نەکرێ، ئەوا ئەو کەسانە ناچار دەبن لە هۆڵە وەرزشییەکانی قوتابخانەکاندا جێگەیان بۆ دابین بکرێ.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".