Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

منداڵان کاری وەرگێڕی بۆ دایک وباوکیان دەکەن

بڵاو کرایه‌وه‌ måndag 21 november 2016 kl 09.33
" وشەی زۆر قورس لە نەخۆشخانە بەکار دەهێنن"
(2:03 min)
.
وێنە: Anders Wiklund/TT

لە ڕاپرسییەکی بەرنامەی تێندێنسی ڕادیۆی سویدا کە بەسەدان منداڵ تێدا بەشدار بوون هاتووە کە منداڵان ناچار دەبن کاری وەرگێڕی بۆ دایک و باوک یان خزمێکیان بکەن. بەتایبەت لە بواری تەندروستیدا.

ئەو منداڵانە لە زۆربەی حاڵەتدا دایک و باوکیان لە وڵاتانی دیکەوە بە گەورەیی هاتوونەتە سوید. لە ڕاپرسییەکەدا ٤٠٠ منداڵ  لە تەمەنەکانی ١٣ و ١٤ ساڵیدا لە زۆربەی شارەکانی سویدا بەشدار بوون. ئەم منداڵانە دایک و باوکیان لە وڵاتێکی دیکە لە دایکبوون و بەگەورەیی هاتوونەتە سوید. سەبارەت بەو پرسیارەی کە چەند کاری وەگێڕی بۆ خێزانەکانیان دەکەن؟ لە وەڵامدا منداڵاکان ڕایانگەیاندووە کە نزیکەی هەفتەی جارێک. یەکێک لەو منداڵانە بێنیەمین سالزار لۆپێسە کە لە تەمەنی ١٣ ساڵییەوە بەردەوام وەرگێڕی بۆ دایک و باوکی دەکات و دەڵێ.

   - بەتایبەت وەرگێران لە نە خۆشخانە زۆر قوورسە. لەبەر ئەوەی وشەی قوورس بەکار دەهێنن کە من نایزانم. جا هەمووشیان لەو کاتەدا سەیری من دەکەن. ئەوەش زۆر ناخۆشە. هاوکات هەمووی چاوەڕوانی وەڵام لە من دەکات کە من نازانم چی بڵێم.

 ئەم کارە لە سویددا ئەمڕۆ بە منداڵان ئەنجام دەدرێ. لە وڵاتی نەروێج لە مانگی حەوتی ئەمساڵەوە یاسایەکی نوێ دەرکرا و بەپێی ئەو یاسایە قەدەغە کرا کە دەستگە حکومییەکان لەکاتی وەرگێڕیدا سوود لە منداڵان وەرگرن یان منداڵ وەک وەگێڕ بەکار بهێنن. بە وتەی بەرێوەبەرایەتی گشتی کۆمەڵایەتی و نەخۆشەوانی لە ئێستادا هیچ بەرنامەی لە ئارادا نییە کە ئەو کارە قەدەغە بکرێ.

 لە نوسینگەی حکومەت گرووپێک لە پێنج وەزارەت  پێکهێنراوە بۆ ئەوەی بەدوادا چوون لەسەر پرسی کەمووکورتی وەرگێر ئەنجام بدەن. ئەو گرووپە ئاماژەیان بەوە کردووە کە ئاگادارن لەم ڕەوشەی ئێستا لە هەوڵی لێکۆڵینەوەدان.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".