Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

مالمۆ داوای بەرگرتن لە تاوانکاری دەکات

بڵاو کرایه‌وه‌ tisdag 22 november 2016 kl 13.16
"پۆلیس دەبێت مافی پشکنین و دەستگیرکردنی هەبێت"
(1:49 min)
polis
وێنە: Stig-Åke Jönsson / TT

لە نامەیەکی کراوەدا سەرۆکایەتیی شارەوانیی مالمۆ پێشنیاز دەکەن بۆ بەرگرتن لە تاوان چەند یاسایەک بگۆڕدرێن.

لەو نامەیدا کە ئاڕاستەی وەزیری ناوخۆ ئەندەرش ئیگێمان و وەزیری داد مورگان یوهانسۆن کراوە داوای ئەوە کراوە کە بۆ ئەوەی بتوانرێت تاوانکاریی ڕێکخراو (organiserade brottslighet) واتە کە گرووپێک بەردەوام و بە بەرنامە کاری بۆ دەکەن، بەری پێ بگیرێت دەبێت حکوومەت گۆڕانکاری لە چەند یاسایەکدا بکات بۆ نموونە ڕێ بدرێت بە پۆلیس کە ئەو کەسانەی کە لە گرووپە تاوانکارییەکاندان یاخود بە تاوانێک سزا دراون، مالەکانیان بپشکنرێت.

  • لە ئێستادا پۆلیس کێشەیەکیان هەیە ئەویش ئەوەیە کە دەزانن لە شوێنیك ئامێر و کەرەستەی تاوانکاریی هەیە یاخود بەڵگەیان لەسەر تاوانێک دەست دەکەوێت بەڵام بۆیان نییە ئەو شوێنانە بپشکنن. کاترین خانفێلد بەرێوەبەری سەرۆکایەی شارەوانی مالمۆ لەسەر لیستی سۆسیالدیموکراتەکان، دەڵێت.

شارەوانی شاری مالمۆ هەروەها پێشنیازیان کردووە کە نزمترین سزای یاسایی لەسەر تاوانی چەکداری لە ساڵێکەوە زیاد بکرێت بۆ دوو ساڵ. ئەو کەسەشی گوومانی لەسەرە بتوانرێت پەند بکرێت.

پێشنیازی سێیەمیان ئەوەیە کە ئەو شۆفێرەی چەک لە ئوتومبیلەکەیدا دەدۆزرێتەوە بەرپرسە لەو تاوانە و دەبێت پۆلیس بە مافی دەستگیرکردنی هەبێت.

ئەم پێشنیازانە کە لە شێوەی نامەی کراوە ئاڕاستەی حکوومەت کراوە دوای کۆبۆنەوەکانی شارەوانی مالمۆ لەگەڵ دەستگەی پۆلیس ئەو شارەدا دێت و هاوکاتی ئەو ڕەخنە تووندانەیە کە سەندیکای پۆلیس و شارەوانی مالمۆ ئاڕاستەی دەستگەی پۆلیسی باشووری سوید کردووە و دەڵێن بەهۆی ئەوەی کە ڕێکخراوی دەستگەکە کەمهێنە توانای بەجێگەیاندنی ئەرکە سەرەتاییەکانیان نییە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".