Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

SD berda Hagwall

Hat weşandin måndag 5 december 2016 kl 15.54
Åkesson: Hagwall navûdengê partiyê xerab kiriye.
(1:23 min)
Tredelad bild. Närbilder på SD:s Hagwall, Åkesson och Sjöstedt
Anna Hagwall (SD), Jimmie Åkesson (SD) och Oscar Sjöstedt (SD). Wêne: TT/Sveriges Radios bildmontage

Demokratên Swêdê berdane parlamentera xwe Anna Hagwall. Sebeb ew e ku wê daxuyaniyên dijî mûsewî, ango cihuyan belav kirine.

Serokê Demokratên Swêdê Jimmie Åkesson di daxuyaniya xwe de dibêje:

”Ev bi salan e ku Demokratên Swêdê li hember pêlên antîsemît û teoriyên komplovarî bi zanîn têdikoşe. Anna Hagwall bi daxuyaniyên xwe zerar daye hem vê xebatê hem jî navûdengê partiyê”. 

Anna Hagwall di meha îlonê de pêşniyaznameyek radestî parlamento kiribû. Di pêşniyazê de wê îdia dikir ku ji %80 medyaya swêdî di destê cihuyan de ye û gereke alîkariya ji çapemeniyê re were birîn. Lê îdiaya ku ji %80 medya di destê mûsewiyan de ye û ew alîkariyek ewqas digrin nerast e. 

Di çapemeniyê de jî ew xwedî li gotinên xwe derketibû û şîrketa Bonnier ji xwe re kiribû hedef.

Piştî van daxuyaniyan ew ji aliyê serokê partiyê Jimmie Åkesson û serokê grûpa SD Mattias Karlsson ve hatibû rexnekirin ku ew zerarê dide partiyê. 

Hagwall berya niha ragihandiye ku eger ew ji partiyê were avêtin jî ew ê ji parlamentoyê îstifa neke.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".