Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

پێشنیازی هەرزانکردنی نرخی بلیتی شەمەندەفەر دەکرێ

بڵاو کرایه‌وه‌ måndag 12 december 2016 kl 09.28
شەمەندەفەر بۆ هەموو بەشەکانی وڵات بنێردرێت
(1:21 min)
.
وێنە: PONTUS LUNDAHL / TT

ئەو بودجەی لە گەشتە ئاسمانییەکان دەردەکرێ پێویستە لە بواری ژێرخانی شەمەندەفەردا خەرج بکرێ. لەو ڕوانگەیەشەوە نرخی بلیتی شەمەندەفەر هەرزان بکرێ.

ئەمە پێشنیازی پارتی چەپە. پارتی چەپ پێشنیازی ئەوەشی کردووە کە ئەو مەرجی قازانج کردن لەسەر کۆمپانیای هێڵی ئاسنی سوید (SJ) دانراوە هەڵ بیگیڕێ.

لە کۆتایی مانی نۆڤەمبەردا لێکۆڵەرەوەی حکومەت بێشنیازی کردبوو کە پێویستە لە ساڵی ٢٠١٨ باج لەسەر گەشتە ئاسمانییەکان بهێنرێتە ئاراوە.

ئەمەش ئەوە دەگەیەنێ کە هەر گەشتێک بە پێی مەوەداکەی لە نێوان ٦٠ بۆ ٤٣٠ کرۆن گرانتر ببێت. ئەم هەنگاوەش لە ڕوانگەی داهاتەوە حکومەت دەتوانی ١،٨ ملیارد کرۆن پاداشت بکات.

لە ئێستاداشدا پارتی چەپ پێشنیازی کردووە کە ئەو پارەیە لە بواری شەمەندەفەردا بەکار بهێنرێت بۆ ئەوەی نرخی بلیتی گەشتکردن بە شەمەندەفەر هەرزانتر بکرێ، هەوکات کۆمپانیای هێڵی ئاسنی سوید (SJ)وەک مەرج لەسەری بسەپێنرێ کە شەمەندەفەر بۆ هەموو بەشەکانی سوید بنێرێ.

لە ئێستاشدا بەرەی هاوپەیمانی ڕاستەکان و پارتی دیموکراتەکانی سوید دژی ئەم پێشنیازەی پارتی چەپن. ئەوان لەبەرامبەردا پێیان وایە کە دەبێ لە ڕوانگەیەکی نێونەتەوەییەوە لەگەڵ ئەم پرسەدا هەنگاو بنێن کە ئایا باج لەسەر گەشتی ئاسمانی دابنرێ یان نا.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".