Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Löfven: Swêd dê bibe welatekî online

Hat weşandin måndag 19 december 2016 kl 12.09
Kawa Onatli: Înternet bûye weke av û ceyranê.
(3:05 min)
Stefan Löfvén li Enköpingê.
Stefan Löfvén li Enköpingê. Wêne: Berit Roald

Hikûmet ê îmkana bikaranîna înterneta bilez li Swêdê bi pêş ve bibe. Stefan Lövfén, serokwezîrê Swêdê vê agahiyê di axaftina xwe ya Noelê de dide ku wî roja şemiyê li Enköpingê kir.

Löfvén dibêje hejmara kesên ku dikarin înterneta bilez ya bi 100 megabîtê bi kar bînin dê di nava çar salan de bi nîvmilyonî zêde bibe.

Axaftina Löfvén a îsal li ser ferqa di navbera bajarên mezin û yên biçûk de bû û wî diyar kir ku hevwelatiyên Swêdê li kûdera welêt bijîn divê dîsa jî xizmeta ku dewlet pêşkêş dike weke hev be.

Wî got ku bipêşvebirina îmkana bidestxistina înternetê yek ji xebatan e ku ew ji bo baştirkirina xizmeta li gund û bajarên biçûk dikin. Wî diyar kir ku hikûmet pereyên zêdetir ji bo vê vediqetîne û heta sala 2020an ji sedî 95 swêdiyan dê karibin înternetê bi rehetî bi kar bînin û bi vê re Swêd dê bibe welatekî ”online”.

Kawa Onatli şêwirmendên pirsên dîjîtal û berpirsê malpera lêgerînê ya bi kurdî "e-gerîn" e. Ew dibêje ka çima îmkana gihiştina înternetê di civaka swêdî de girîng e.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".