Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ئانا کارڵستێدت وەک ڕێکخەری نەتەوەیی دژ بە تووندڕەوی دەستنیشان کرا

بڵاو کرایه‌وه‌ tisdag 20 december 2016 kl 12.22
لە ساڵی ٢٠١٧وە دەست بەکار دەبێ
(1:26 min)
.
وێنە: Fredrik Sandberg/TT

کەمێک بەر لە ئێستا ڕاگەیاندرا کە لە پاش هێلێڤی ئێنگستروێم،  ئانا کارڵستێدت وەک ڕێکخەری نوێی نەتەوەیی دژ بە تووندڕەوی دەست بەکار دەبێ.

ئانا کارڵستێدت پێشووتر سەرۆکی ڕێکخرای خاچی سوور (Röda Korset)ی سوید بووە. جێگەی باسە ئەمڕۆ لە کاتی ڕادەستکردنی ڕاپۆرتی لێکۆڵینەوەیەکی لە ژێر ناوی "  پاراستنی دیموکراتی و بەرەنگاربوونەوەی تووندڕەوی لە ڕوانگەیەکی  نەتەوەیی و بەرپرسیارێتی شارەوانییەکاندا" و لە کۆنفرانسێکی چاپەمەنیدا کارڵستێدت وەک ڕێکخەری نوێ ڕاگەیەندرا.

 جێگەی باسە یەکەم جار ساڵی ٢٠١٤ حکومەتی بەرەی هاوپەیمانی ڕاستەکان ڕێکخەری نەتەوەیی دژ بە تووندڕەویان دامەزراند و وەک یەکەم ڕێکخەر مۆنا ساڵینی سۆسیال دیموکراتەکان دەستنیشان کرا. پاشان کە گومانی نووسینی بەڵگەنامەی ساختەی لەسەر مۆنا سالین درووست بوو سالین دەستی لە ئەرکەکەی کێشایەوە و هیلێڤی ئێنگستروێم ئەو ئەرکەی لەلایەن حکومەتی ئێستاوە پێدرا. ئێنگستروێم ماوەیەک بەر لەئێستا دەستلەکار کێشانەوەی خۆی ڕایگەیاند، ئەمەش بڕیارێکی چاوەڕواننەکراو بوو. بەڵام ئەمڕۆ جێگرەوە هیلێڤی ئێنگستروێم دەستنیشان کراو کە لە ساڵی ٢٠١٧ دا ئانا کارڵستێدت وەک ڕایکخەری نەتەوەی دژ بە تووندڕەوی دەست بەکار دەبێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".