Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

کڵێسای سویدی: پێویست بە هاوکاریی باشترە لە کاتی قەیراندا

بڵاو کرایه‌وه‌ torsdag 16 mars kl 10.55
"هەوڵە مەدەنییەکان هیچیان لە هەوڵە دەوڵەتییەکان کەمتر نییە "
(1:44 min)
Kyrkan i Eskilstuna till vänster. Till höger flyktingar som köar för att komma på en buss.
وێنە: TT. Montage: Sveriges Radio.

هاوکاریی نێوان لایەنە پەیوەدنیدارەکان لەکاتی قەیرانی وەک ئەو شەپۆلی پەنابەرەی ڕووی لە سوید کرد، دەبێت باشتر بکرێت.

لە لێکۆڵینەوەیەکدا سەبارەت بە کاری کڵێسای سویدی (Svenska kyrkan) لە کاتی قەیرانی پەنابەرییەکەی ساڵی 2015-2016 دا، کە ئەمڕۆ بڵاو کرایەوە هاتووە کە هاوکاریی نێوان کڵیسا و دەوڵەت دەبێت بەهێزتر بکرێت.

لەو ڕاپۆرتەدا هاتووە کە نزیکەی 40 هەزار کەس مانگانە لەو چالاکیی و هەڵمەتیی یارمەتیدانەدا سوود مەند بوون کە کڵێسای سویدی بە هاوکاریی 8 هەزار خۆبەخش بەڕێوەی بردوون، بۆ نموونە دابەشکردنی جلوبەرگ، دبینکردنی خواردن و شوێنی نووستن..هتد.

ئەو شێوازی هاوکارییە کاری کڵێسا لۆکاڵییەکانی ئاسانتر کردبوو بەڵام لە کێشە و کەموکوورتیش بەدوور نەبوو، بۆ نموونە زەحمەت بوو هاوکاریی نێوان کڵێسا و دەستگە دەوڵەتییەکان هەروەها هاوکاریی نیوان کڵیسا لۆکاڵییەکان و دامەزراوەکانی دیکە بۆ یارمەتیی پەنابەران ڕێک بخرێت. ئێریکا بروندین بەرپرسی گشتیی کڵێسای سویدی دەڵێت.

نموونەیەک لەو کارانەی کە بە باشی نەچوونەتە پێش ئەوەیە کە کڵێسای سویدی لەسەر داوای دەستگەی کۆچ چەند خانوویەکیان بۆ پەنابەران دۆزیوەتەوە بەڵام دواتر دەستگەی کۆچ ئەو خانووانەی بەکارنەهێناوە.

ئێریکا بروندین لە کڵێسای سویدییەوە دەڵێت ئەمە بەفیڕۆدانی هەولە مەدەنییەکانە کە هیچی لە هەوڵە گشتی و دەوڵەتییەکان کەمتر نییە.

 جێی باسە ڕاپۆرتەکە تایبەتە بە کاری کڵیساکان بۆ یارمەتییدانی پەنابەران لە کاتی هاتنی شەپۆلی پەنابەران بۆ سوید لە ساڵی 2015-2016 دا.

کڵێسای سویدی (Svenska Kyrkan) گەورەترین کۆمەڵەی ئاینیی مەسیحییە لە سویددا.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".