Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

پێشنیازی ڕێگرتن لە بەرزکردنەوەی باجی شارەوانییەکان دەکرێت

بڵاو کرایه‌وه‌ tisdag 4 april kl 11.34
دیانەوێت جیاوازی نێوان چینەکانی کۆمەڵگە کەم بکەنەوە
(1:53 min)
.
وێنە: Tomas Oneborg/SvD/TT

 سەرۆکی سەندیکای کرێکارانی سوید (LO) پێتەر توورڤاڵسۆن داوای ڕاگرتنی بەرزکردنەوەی باج لە شارەوانییەکان دەکات.

 بە وتەی توورڤاڵسۆن ئەو پێشنیازە جیاوازیی نێوان چینەکانی کۆمەڵگە کەم دەکاتەوە. جێی باسە ڕۆژی شەممە  گۆنگرەی پارتی سۆسیالدیموکراتەکان لە شاری یۆتێبۆری بەڕێوە دەچێت. سەندیکای کرێکارانی سوید چەند مەرجێکیان پێشنیاز کردووە. یەکێکیان لەو پێشنیازانە تایبەتە بە سنووردارکردنی باج لە شارەوانییەکاندا. مەبەست ئەوەیە کە بەرزکردنەوەی باج لە ڕێژەیەکی تایبەت تێنەپەڕێت.

 بۆ نمونە ئاماژەیان بەوە کردووە کە ئەگەر لە شارەوانییەکدا باج بۆ لە %٣٥ بەرز بکرێتەوە ئەوا ئەو کەسانەی کە مووچەیان کەمە و  لەو شارەوانیانەی داهاتیان کەمە دەژین، ئەوا بەرزکردنەوەی باج  کاریگەریی زیاتر لەسەر کەسانی کەم مووچە دەبێت. سەرۆکی سەندیکای کرێکارانی سوید (LO) پێتەر توورڤاڵسۆن باس لەوە دەکات کە دەبێت ڕێگریی لێ بکرێت و دەڵێت.

       ڕێژەیەکی زۆر لە مووچەخۆران کە مووچەکانیان کەمە، بەڵام باجی زۆر دەدەن و لە ڕووەوە ئێمە دەمانەوێت گۆڕانکاریی بهێنینە ئاراوە.

 جێی باسە سەندیکای کرێکاران پێشنیازی ئەویان کردووە کە لە جێی بەرزکرنەوەی باج لە شارەوانییەکاندا، پێویستە حکومەت بودجەی زیاتر بە شارەوانییەکان بدات.هەروەها پێشنیازێکی دیکەی سەندیکای کرێکارانی سوید لەو پێکدێت، کە زیاتر بایەخ بە ڕەوشی خانەنشینان، کەسانی نەخۆش و بێکار بدرێت.

ئەمەش بۆ ئەوەی جیاوازیی لە نێوان چینەکانی کۆمەڵگەدا کەم بکرێتەوە. هەروەها باس لەوەش دەکەن کە لە ڕێگەی جێبەجێ کردنی ئەم پێشنیازانەوە ئەوا لایەنگرانی پارتی دیموکراتەکانی سوید لە دەرەوەی شارەکاندا کەم دەکات.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".