Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ئامێرە گوماناوییەکە نێو بارهەڵگرەکە نەزانراوە چییە

بڵاو کرایه‌وه‌ torsdag 13 april kl 09.29
" ئاگر کوژاندنەوەش بەشێکی زۆر لە بەڵگەکەکان لەناو دەبات"
(2:24 min)
.
وێنە: Tomas Oneborg/SvD/TT

لە هێرشە تیرۆریستییەکەی ڕۆژی هەینیدا کە  ئۆتۆمبیلە بارهەڵگرە بە نێو ئاپۆرای خەڵکدا لە شەقامی درۆتنینگاتان لێیخوڕی و چەندین کەسی کوشت "ئامێرێکی گوماناوی" لە جانتایەکدا لە نێو بارهەڵگرەکەدا دۆزرایەوە.

پۆلیس پێشووتر ڕایگەیاندبوو کە گومان دەکرێت "بەشێک بێت لە بۆمبێکی دەستساز" کەچی هیچ مەترسییەکی پێوەنەبووە. لە ئێستادا بەشێوەیەکی بەربڵاو لێکۆڵینەوە لە پاش هێرشە تیرۆریستییەکەی ڕۆژی هەینی بەردەوامە. جێی باسە یەکەم توێژینەوە لەسەر ئەوە کەرەستەی لەلایەن ئینستیتیوتی لێکۆڵینەوەکانی هێزی بەرگری (FOI) ئەنجامدراوە. لە ئێستادا گومان دەکرێت کە ئەو کەرسەتی لە نێو ئۆتۆمبیلە بارهەڵگرەکەدا دۆزراوەتەوە تەقەینەوە بێت، یان مادەیەکە کە مەترسی ئاگر کەوتنەوەی لێ دەکرێت.

تۆرنگی کارڵسۆن جێگری بەشە لە ئینستیتیوتی لێکۆڵینەوەکانی هێزی بەرگری (FOI)، کارڵسۆن باس لەوە دەکات کە بەهۆی ئەوەی کووشنەکانی شۆفێر و نەفەرەکەی تەنیشت ئاگری گرتووە و سووتاوە، کێشەی لە ڕووی لێکۆڵینەوەکانەوە بۆ ئەوان درووست کردووە و دەڵێت.

        بێگومان ئەو ئاگرە توێژینەوەکانی ئێمەی زەحمەت کردووە. هەرچەند کارمەندانی ئاگرکوژێنەوە گەیشتنە جێگەکە و ئاگرەکەیان کوژاندەووە. هاوکات ئەوش لە بیر نەکەین کە لەکاتی ئاگر کوژاندنەوەشدا بەشێکی زۆر لە بەڵگەکەکان لە ناو دەچن.

 جێی باسە هەتاوەکو ئێستا کەس نازانێت ئەو کەرستە گوماناوییەی لە نێو ئۆتۆمبیلە بارهەڵگرەکەدا لە پاش هێرشە تیرۆریستییەکە دۆزراوەتەوە چییە. هەریەکە لە پۆلیس، ئینستیتیوتی لێکۆڵینەوەکانی هێزی بەرگری و داواکاری گشتی ئاماددە نین زانیاری لەسەر ئەو کەرستە بدەن، هاوکات ئاماژە بە یاسای نهێنی پاراستن دەکەن. بەڵام پێشووتر زانیاریان دابووە کە گومان دەکرێت ئەو شتە تەقینەوە بێت یان مادەیەکە کە مەترسی ئاگر کەوتنەوەی لێ دەکرێت.

جێی باسە لە هێرشە تیرۆریستییەکەی ڕۆژی هەینیدا چوار کەس کوژران و ١٥ کەس بریندار بوون. لە کۆی بریندارەکان هەتاوەکو ئێستا چوار کەسیان لە نەخۆشخانە ماونەتەوە کە ژیانی دوانیان لە ژێر مەترسیدایەوە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".