Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Hirçê karkerê baxçeyê heywanan kuşt

Hat weşandin fredag 4 augusti kl 15.15
"Di dema çalakiyekê de qewimiye”
(1:34 min)
orsa djurpark
Wêne: Ulf Palm/TT

Karkerê baxçeyê heywanan ê 18 salî ji aliyê hirçekê ve hate kuştin.

Sven Brunnberg ku şefê vî baxçeyî ye dibêje bûyer di dema çalakiyekê de qewimî.

Sven Brunberg dibêje çalakiyeke me heye ku zarok dikarin cihê hirçan paqij bikin û xwarinê lê belav bikin.

Di dema paqijkirinê de hirç ji cih têne derandin. Peyre dema ziyaretvan cihê wan paqij dikin û xwarinê belav dikin derdikevin û hingî hirç di cihê xwe yê çîtkirî de azad têne berdan da ku werin li xwarinê bigerin û bixwin.

Sven Brunberg dibêje malbatekê îro ji bo vê çalakiyê wext veqetandibû. Malbat  jî di hundir de bû, lê ew jê derketine.

Dema hirçê êrîş kiriye tenê karkerê 19 salî tê de bûye. Nayê zanîn ka hirçê çawa kariye derkeve û êrîş bike.

Di civîna çapemeniyê ya piştî bûyerê de polîs radigihîne ku pêşlêkolînek li ser sûcê li cihê kar û mirina ji ber sersariyê hatiye dest pê kirin.

Êrîşên heywanan li xwezaya Swêdê têne dîtin, lê yên li baxçeyên heywanan kêmdîtî ne.

Ji bilî vê bûyerê sala 2012an li baxçeyê heywanan Kolmårdenê gurekî êrîşî karkerekî kiribû û ew kuşt. 4 salan piştî bûyerê şefê Kolmårdenê bi mirina ji ber sersariyê sûcdar hate dîtin.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".