Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
ئاگاداری! لە ناوچەی کرونوئۆسەن ئاگرێکی بەهێز کەوتۆتەوە

سکرتێری سەرۆکوەزیر بانگی بەردەم لێژنەی بەرگری دەکرێ

بڵاو کرایه‌وه‌ måndag 7 augusti kl 13.31
وەزارەتی بەرگری و وەزارەتی بازرگانی پێشتر زانیان هەبووە
(1:52 min)
.
وێنە: PONTUS LUNDAHL / TT

لێژنەی بەرگری لە پەرلەمان پشووی هاوینەی پەرلەمانی کۆتایی پێ هێنا تا سکرتێری سەرۆکوەزیر یان سالێستراند بۆ دانیشتنێکی ئاوەرتە بانگی بەردەم لێژنەکە بکات بۆ لێپێچینەوە لە سکانداڵەکەی بەڕێوەبەرایەتی گشتی هاتووچۆ.

ئەمە بە پێی قسەی سەرۆکی لێژنەکە ئالان ویدمان.

لێژنەکە دەیهەوێ بزانێ لە چ ساتەوەختێکی زەمەنی دیاریکراودا وەزارەتی بەرگری زانیاریان سەبارەت بە سکانداڵەکەی بەڕێوەبەرایەتی گشتی هاتووچۆ بە دەست گەیشتووە. ئالان ویدمان سەبارەت بەم بانگهێشتەی سکرتێری سەرۆکوەیزان دەڵی:

-ئێمە پێویستیمان بە روونکردنەوەی تەواو هەیە سەبارەت بەوەی وەزارەتی بەرگری کەی ئاگادار کراوەتەوە لەمەڕ بڵاوبوونەوەی زانیارییەکان، چونکە ناڕوونی هەیە لەسەر ئەو خاڵە. 

لە وەڵامی ئەو پرسیارەدا کە داخوا سکرتێری سەرۆکوەزیران دەتوانێ چ زانیارییەک بدات لەوە زیاتر کە وەزیری بەرگری داویەتی، ویدمان دەڵێ: 

-وەزیری بەرگری پێشتر رایگەیاندبوو ئەو لە مانگی سێی ٢٠١٦ سەبارەت بەو پرسە زانیاری بەدەست گەیشتووە. بەڵام هەفتەی پێشوو زانرا کە وەزارەتی بەرگری و تەنانەت وەزارەتی بازرگانیش پێشتر زانیاریان بەدەست گەیشتووە. ئەوە ئەو شتەیە کە پێویستی بە ڕوونکردنەوە هەیە و لیژنەکە لێپێچینەوەی لەسەر دەکات.

لەسەر داوای ئەندامانی بەرەی ڕاستی ناو لێژنەی بەرگری پەرلەمان، سکرتێری سەرۆکوەزیر یان سالێستراند بانگی بەردەم لێژنەکە دەکرێ. لێژنەکە هاوکات دەیهەوێ بزانێ چ زانیارییەکی دیکە لەبەردەستە کە بەڕێوەبەرایەتی گشتی هاتووچۆ داویەتی بە وەزارەتی بەرگری.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".