Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

بنەماڵەیەک بە تاوانی ڕفاندنی کچەکەیان دادگایی دەکرێن

بڵاو کرایه‌وه‌ onsdag 9 augusti kl 14.34
حوکمی تاوانێکی ئاوا دە ساڵ زیندانە
(1:33 min)
.
وێنە: Henrik Montgomery/TT

مانگی ڕابردوو بنەماڵەیەک هەوڵیاندابوو کچە ١٧ ساڵەکەیان کە لە خانەیەکی پاراستنی گەنجان دەمایەوە بڕفێنن، بۆ ئەوەی لە وڵاتی خۆیان بەزۆر بە شووی بدەن. ئێستا ئەندامانی ئەو بنەماڵەیە ڕووبەڕووی دادگا دەبنەوە.

 سەرەتاکانی مانی حەوتی ئەمساڵ، دانیشتوانی گەرەکی سۆدێرهامن شاهیدی ئەوە بوون کە ئەندامانی بنەماڵەیەک دەیانهەویست بە زۆر کچە ١٧ ساڵیەکەیان بە ئوتومبێلێک بڕفێنن. هاوڵاتیان تەلەفۆنیان بۆ ژمارە ١١٢ ی فریاکەوتن کرد و پۆلیس توانی ئۆتۆمبێلەکە بوەستێنێ.  

دایک و باوکی کچە و دوو لە براکانی بە گومانی ئەنجامدانی تاوانی "زەوتکردنی ئازادی" دەسگیر کران. تاوانێک کە لەوانەیە حوکمی دە ساڵ زیندانی هەبێت.

کچەکە ساڵێک لەمەوبەر گواسترابووەوە بۆ خانەیەکی چاودێری، دوای ئەوەی خۆی لای دەزگای خزمەتگوزاری کۆمەڵایەتی (Socialtjänsten) باسی ئەوەی کردبوو ئەندامانی بنەماڵەکەی بە پەیوەندی سۆزداری نێوان ئەو و هاوڕێ کوڕەکەیان زانییوە.

بەپێی لێکۆڵینەوەی بەرایی، کچەکە بە دزگای خزمەتگوزای کۆمەڵایەتی ڕاگەیاندبوو بنەماڵاکەی پیلانی ئەوەیان داناوە تا بینێرن بۆ ئەفغانستان، بۆ ئەوەی لەوێ بەزۆر بیدەن بە شوو. ئەمەش وای لە کاربەدەستان کرد کچەکە بگوازنەوە بۆ خانەیەکی چاودێری لە سۆدێرهامن، بێ ئەوەی بنەماڵەکەی بەم مەسەلەیە بزانن.

بەڵام دواتر یەکێک لە براکانی کچە، لەرێگای بەکارهێنانی تۆڕی کۆمەڵایەتی سنابچات-ـەەوە توانیبووی پەیوەندی بە خوشکەکەیەوە بکات و ئەمەش وای کرد بنەماڵەی کچەکە بزانن لە کوێ حەشار دراوە. 

سەرجەم ئەندامانی ئەو بنەماڵەیە تاوانەکە ڕەت دەکەنەوە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".