Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

داوای زیندانی هەتاهەتایی بۆ تاوانبارەکە گۆڕانی بەسەردا هات

بڵاو کرایه‌وه‌ fredag 11 augusti kl 13.11
تاوانبارەکە دانی بە تاوانەکەیدا نابوو
(1:21 min)
Pixlad bild på den åtalade mannen
وێنە: Jonas Ekströmer/TT

داواکاری گشتی داواکەی خۆی دەگۆڕێ لە دژی ئەو تاوانبارەی ساڵی پار بە تۆمەتی کوشتن لە ئاربۆگا گیرابوو. تاوانبارەکە دانی نابوو بە تاوانەکەیدا و داوای حوکمی هەتاهەتایی بۆ کرابوو، بەڵام ئێستا داوای بڕینەوەی ١٤ ساڵ زیندانی بۆ دەکرێ.

چوارشەممەی ڕابردوو داواکاری گشتی ڕایگەیاند، داواکەیان سەبارەت بەو تۆمەتبارەی بە تاوانی کوشتن حوکمی هەتاهەتایی بۆ داواکرابوو، گۆڕیوە. پێشتر داواکار، داوای حوکمی هەتاهەتای بۆ تاوانبارەکە کردبوو، بەڵام لەبەر ئەوەی تاوانبارەکە تەمەنی کەم بووە، جارێکی تر پێداچوونەوە بۆ دۆسیەکە کراوە. 

پێداچوونەوەکە باس لەوە دەکات تاوانبارەکە، کە بە هاڕێیەتی دۆستە کچە ٤٢ ساڵیەکەی، باوکی کچە دۆستەکەی خۆی کوشتووە، لە کاتی ئەنجامدانی تاوانەکە تەمەنی ٢٠ ساڵ بووە. هەر بۆیە ناکرێ داوای حوکمی زیندانی هەتاهەتایی بۆ بکرێ و لە جیاتی ئەوە ئێستاکە داواکار داوای ١٤ ساڵ زیندان بۆ تاوانبارەکە دەکات. 

شایانی باسە، پێشتر هەوڵدرابوو لە ڕێگەی پشکنینی پزیشکییەوە تەمەنی ڕاستەقینەی تاوانبارەکە دەستنیشان بکرێ، بەڵام ئەو پشکنینە دەرەنجامێکی ڕاستی سەبارەت بەوە بەدەست نەهێنابوو، کە داخوا تاوانبار لە سەروو ٢١ ساڵییەوەیە یان نا.

تاوانبارەکە هاوڕێ لەگەڵ ژنێکی ٤٢ ساڵەی خەڵکی ڤێسترۆس دەژیا، کە هەردوکیان بە تاوانی کوشتن و هەوڵی کوشتن ڕووبەڕووی دادگا ببوونەوە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".