Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

پەنابەرە تەنیاهاتووەکانی ستۆکهۆڵم دەتوانن بمێننەوە

بڵاو کرایه‌وه‌ fredag 11 augusti kl 15.30
حکومەت بۆ چارەسەری کێشەکە ١٩٥ ملیۆن کرۆنی تەرخان کردووە
(1:26 min)
.
وێنە: FANNI OLIN DAHL / TT

لە کۆی گشتی ئەو ١٩٥ ملیۆن کرۆنەی لە هاوینی ئەمساڵ حکومەت بۆ کۆمۆنەکان تەرخانی کردبوو تا ئەو منداڵە تەنیاهاتووانەی دەگەنە تەمەنی ١٨ ساڵی لە کۆمۆنەکانیان درێژە بە ژیان و خوێندن بدەن، ١٠ ملیۆن کرۆن دراوە بە کۆمۆنی ستۆکهۆڵم.

ئۆسا لینداگێن ی ئەندامی پارتی ژینگە و ئەندام لە یەکەی خزمەتگوازاری سەر بە ئەنجوومەنی شارەوانی سەبارەت بەم بابەتە دەڵێ:

ئەو پارەی تەرخان کراوە ڕێگا بۆ ئەوە خۆش دەکات تا منداڵە تەنیاهاتووەکان لە شوێنی خۆیان، لە قوتابخانە و لە ناو هاورێکانیاندا بمێننەوە.

منداڵە تەنیاهاتووەکان لەو رۆژەوەی تەمەنی ١٨ ساڵی پڕ دەکەن، بەرپرسیارییەتیان لە کۆمۆنەکانەوە دەگواازرێتەوە بۆ بەرێوەبەرایەتی دەزگای کۆچ. ئەمەش لە زۆربەی حالەتەکاندا دەبێتە هۆی ئەوەی گەنجەکان ناچار بە گواستنەوە بن لە کۆمۆنێکەوە بۆ کۆمۆنێکی تر.

حکومەت بۆ چارەسەری ئەم کێشەیە ١٩٥ ملیۆن کرۆنی تەرخان کردووە و لەم ریژەیەش ١٠ ملیۆن کرۆن بەر ستۆکهۆڵم دەکەوێت. دەزگای کۆچ ڕایگەیاندووە چاوەڕوان دەکرێ ئەمساڵ، تەنیا لە ستۆکهۆڵم ٤٠٠ منداڵ تەمەنی ١٨ ساڵی پڕ کەن. هەر بۆیە ئەو پارەیەی بۆ ستۆکهۆڵم تەرخان کراوە دەبێ بەشی تا هاوینی داهاتوو بکات.

ئۆسا لینداگێن هیوادارە ئەوان بتوانن بەو پارەیەی بۆیان تەرخان کراوە و بە هاوکاری لەگەڵ لایەنەکانی تر کێشەکە چارەسەر بکەین.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".