Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

هێرش کراوەتە سەر پەنابەرە عێراقییەکانی مالمۆ

بڵاو کرایه‌وه‌ måndag 11 september kl 12.39
"لەو باوەڕەدا نەبووین لە سوید تووشی شتی وا بین"
(1:43 min)
Aida Al Akrawi och den irakiska asylsökande som kallar sig Abu Adhab.
ئەبو ئەدهەب، یەکێک لە خۆپیشاندەران. وێنە: Elinor Strand/SR Malmö

چەند جارێک هێرشی راسیستی کراوەتە سەر ئەو پەنابەرانەی لە بەردەم دەستگەی کۆچدا خۆپیشاندان دەکەن.

- ئەبو ئەدهەب کە ناوێکی خوازراوە بۆ یەکێک لەو پەنابەرانەی ئامادە نوبووە ناوی خۆی بڵێ، دەڵێت ئێمە خەڵکێکی زولملیکراوین و بەهۆی تەقینەوە و رووداوە ناخۆشەکان لە عێراق هەڵهاتووین، هەرگیز لەو باوەڕەدا نەبوون لە سوید تووسی شتی وا بین.

سێ مانگ زیاترە ئەبو ئەدهەب و نزیکەی 30 پەنابەری عێراقی کە داوای مافی پەنابەرییان پەسەند نەکراوە و هەندیکیان بڕیاری ناردنەوەیان هەیە. لەبەردەم دەستگەی کۆچ لە شاری مالمۆ دەواریان هەڵداوە و بە درووشمی ناڕەزایی خۆپیشاندان دەکەن دژ بە بڕیاری ناردنەوەیان بۆ عێراق.

بەڵام لەو ماوەیەدا چەندین جار تووشی هێرشی ڕاسیستی بوون بۆ نموونە لە مانگی 6 ی ڕابوردوو ئوتومبیلێک بە چەند سیمبولێكی نازیستییەوە خۆی کردووە بە نێو خۆپیشاندەراندا، لە ماوەی پشووی هەفتەی ڕابوردووشدا ئاگر بەردراوەتە دەوارەکانیان. لەو دوو هێرشەدا هیچ کەسێک بریندار نەبووە.


جێی باسە لە مانگی شەشی ڕابوردووەوە گرووپی پۆلیسی تایبەت بە دیموکراتی و تاوانی ڕق و کینە لە هێرشە نازییەکی کۆڵیوەتەوە بەڵام لەو کاتەوە هیچ شایەتحاڵێکیان دەست نەکەوتووە لەسەر ڕووداوەکە بدوێت.

ئەبو ئەدهەب یەکێک لە و پەنابەرانە دەڵێت یەکێک لە هۆکارەکان ئەوەیە کە ئێمە نە زمانی سویدی نە ئینگلیزی بە باشی نازانین بۆیە نەمانتوانیوە قسە لەگەڵ پۆلیس بکەین. بەڵام داواکاری گشتی لە دەستگەی پۆلیسی مالمۆ دەڵێت بیستوومانە کە ئەو کەسانە متمانەیان بە پۆلیس نییە بۆیە قسەیان بۆ ناکەن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".