Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ئاگاداریی چاپه‌مه‌نی:

بڵاو کرایه‌وه‌ måndag 3 oktober 2005 kl 18.08

٢٣ ـ ٩ ـ ٢٠٠٥

ڕادیۆ سوید کاتی په‌خشی خۆی به‌ چه‌ندین زمانی کۆچبه‌ران بۆ وێنه‌ کوردی و ڕۆمانی (قه‌ره‌ج) زیاد ده‌کا.

ڕادیۆ سوید له‌ چوارچێوه‌ی دابی له‌مێژینه‌ی (ڕوانینه‌وه‌ به‌ زمانه‌کاندا، språköversyn)، له‌ سه‌ر ئه‌وه‌ی که‌ له‌ ساڵی ٢٠٠٦دا کام زمانان له‌ به‌شی رادیۆی نێونه‌ته‌وه‌یی سویددا به‌رنامه‌ بڵاو بکه‌نه‌وه‌ بڕیارێکی به‌م چه‌شنه‌ی خواره‌وه‌ی گرت:

ـ هه‌شت زمان له‌ کۆی نۆی زمانی کۆچبه‌ران و که‌مینه‌کان، په‌خشی زیاتریان ده‌درێتێ. زۆرترین کاته‌کان ده‌درێ به‌ زمانی کوردی و  قه‌ره‌جه‌ که‌مینه‌کان (ڕۆمانی).

ـ زمانی ئینگلیزی وه‌ک زمانی بیانیان داده‌نرێ.

ـ چیدی په‌خش به‌ زمانانی تورکی و سپانیایی به‌رده‌وام نابێ.

ـ هاوکارانی نوێ له‌ ده‌ره‌وه‌ی ستۆکهۆڵم وه‌رده‌گیرێن بۆوێنه‌ له‌ یۆتێبۆری و مالموێ.

به‌رنامه‌کانی ئه‌و زمانانه‌ به‌ر له‌ هه‌موو شت، بۆ ئه‌و کۆچبه‌رانه‌ بڵاو ده‌کرێنه‌وه‌ که‌ تازه‌ هاتوونه‌ته‌ سوید و پێویستییه‌کی زۆریان هه‌یه‌ به‌ ده‌نگوباس، زانیاریی کۆمه‌ڵایه‌تی و تێگه‌یشتنی کولتووری به‌ زمانی خۆیان.

که‌مکردنه‌وه‌ی ڕاده‌ی زمانه‌کان، به‌و مانایه‌یه‌ که‌ ئه‌و زمانانه‌ی په‌خشیان هه‌یه‌ ماوه‌ی وه‌شانیان زێده‌تر‌ بکرێ و ئیمکاناتێکی به‌ربڵاوتریان ده‌سکه‌وێ بۆ به‌رنامه‌ چێکردن و به‌م پێیه‌ به‌ ناوه‌رۆکێکی به‌پێزتر و به‌رزتر، به‌رنامه‌ پێشکه‌ش به‌ گوێگرانی خۆیان بکه‌ن. هاوکاتیش له‌ ڕێگه‌ی هاوکارانی نوێیانه‌وه‌،‌ ئیمکاناتێکی باشتریان هه‌بێ بۆ به‌رنامه‌ بڵاوکردنه‌وه‌ ده‌رباره‌ی لایه‌نه‌ جۆراوجۆره‌کانی ژیانی خه‌ڵکی خۆیان له‌ کۆمه‌ڵگای سویددا.

ئاننێ سێرۆواجی (Anne Sseruwagi) سه‌رۆکی به‌رنامه‌کانی ڕادیۆی نێونه‌ته‌وه‌یی سوید ده‌ڵێ: چاوه‌ڕێی ئه‌وه‌ ده‌که‌م که‌ ئاستی به‌رنامه‌کانمان به‌رز که‌ینه‌وه‌ و بتوانین له‌ ده‌ره‌وه‌ی ستۆکهۆڵمیش هه‌ندێ هاوکار بۆ به‌رنامه‌کانمان ڕاکیشین.

له‌ خشته‌ی نوێی به‌رنامه‌کانی کاناڵی دووی رادیۆ سویددا که‌ له‌ ١٦ی یانیڤه‌ریی ساڵی ٢٠٠٦ه‌وه‌ ده‌ست پێده‌کات، ئه‌م زمانه‌ بیانییانه‌ به‌رنامه‌ بڵاو ده‌که‌نه‌وه‌: عه‌ره‌بی، ئاسووری/سریانی، ئاڵبانی، فارسی، کوردی، سومالی، سێرب/کروۆات/بۆسنیایی، ئینگلیزی و زمانی که‌مینه‌ی رۆمانی (قه‌ره‌جی). له‌م ناوه‌دا به‌رنامه‌کانی پانۆرامای سپانیایی، مه‌رهه‌بای تورکی و (Passet) ی سویدی، چیدی نامێنین هه‌روه‌ها ماڵپه‌ڕی زمانی پۆلۆنیش.

ـ هه‌ست به‌وه‌ ده‌کرێ که‌ گرووپی بیانیانی تورک له‌مێژه‌ له‌ سوید نیشته‌جێن چونکه‌ ڕاده‌ی گوێگرتن له ‌وه‌شانی تورکیی ‌رادیۆ سوید که‌مبۆته‌وه‌.

رادیۆ سوید بۆ ئه‌م بڕیارگرتنه‌ی خۆی، سه‌رنجی به‌م پارامێترانه‌ی خواره‌وه‌ داوه‌‌:

ڕێژه‌ی خه‌ڵکه‌که‌ (له‌ سوید)، چه‌ند که‌س‌ به‌و زمانه‌ وه‌ک زمانی دایکیی خۆیان ده‌دوێن یان وه‌ک زمانی په‌یوه‌ندی (cross-over)، ماوه‌ی مانه‌وه‌ ئه‌و خه‌ڵکه‌ له‌ سوید (واتا هه‌بوونی ئه‌م خه‌ڵکه‌ له‌ سوید، چه‌نده‌ تازه‌یه‌). جگه‌ له‌وانه‌ هۆی به‌ په‌نابه‌روه‌رگیرانیان، ئاستی هاوگونجییان له‌ سوید و مه‌ودای کولتووری و زمانییان له‌ سوید، هه‌روه‌ها ڕاده‌ی پێویستیی خه‌ڵکه‌که‌ به‌ پشتگیری بۆ به‌ره‌وپێشبردنی کولتوور و زمانی خۆیان. له‌م ناوه‌دا ئه‌و خه‌ڵکانه‌ وه‌پێش ده‌خرێن که‌ وڵاتی خۆیان نییه‌ و وه‌ک که‌مینه‌ زوڵمیان لێکراوه‌ وه‌ک کورده‌کان، ئاسوورییه‌کان و قه‌ره‌جه‌کان (ڕۆمه‌کان).

ڕادیۆ سوید و کاناڵی فره‌کولتووره‌ی ڕادیۆی نێونه‌ته‌وه‌یی سوید (SR International)، ئه‌رکێکی گرنگی له‌ سه‌ر شانه‌ له‌ پێناو دیمۆکراسیدا که‌ ئه‌ویش چێکردنی گۆڕه‌پانێکه‌ بۆ لێدوان له‌سه‌ر ده‌نگوباس، ڕووداو و موناقه‌شه‌کانی ڕۆژ، بۆ ئه‌و خه‌ڵکه‌ی زمانی سویدی به‌ باشی نازانن و زانیارییان له‌ سه‌ر کۆمه‌ڵگای سوید سنوورداره‌. به‌رنامه‌کانی رادیۆی نێونه‌ته‌وه‌یی سوید‌ به‌ زمانی کۆچبه‌ران که‌ ١٣ سه‌عاته‌ له‌ هه‌فته‌دا، له‌ سه‌ر شه‌پۆلی FM ڕیزی ٨٩،٦ بۆ ستۆکهۆڵمی گه‌وره‌ و له‌ شاره‌کانی‌تری سوید، له‌ کاناڵی دووی ڕادیۆ سویده‌وه‌ (P2) بڵاو ده‌بێته‌وه‌.

بۆ زانیاریی زێده‌تر په‌یوه‌ندی بکه‌ به‌ سه‌رۆکی به‌رنامه‌کانی ڕادیۆ سوید، شه‌شتین بروونبه‌ری (Kerstin Brunnberg 0705-985017 / 08-7845000)

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".