Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Boazodoalu máhttu duššin

Publicerat måndag 4 oktober 2010 kl 15.30
Valentin Jonsson, Gran čearu . Govva: Anna Sunna.

Boazodoalu máhttu got birget dálkkádatrievdadeamis sáhttá šaddat duššin go guohtuneatnamat jávket.

Dát bođii ovdan go čearoolbmot ja dutkit deaivvadedje Gautses ságastallandihte got dálkkádatrievdadeamit ja sisabahkkemat váikkuhit boazodollui.

Valentin Jonsson, Gran čearu boarráset buolvvas, lea jagiid mielde vásihan máŋggaid rievdadusaid maid sin leat čađahan, muhto son ballá das boahtá rádji ja eai šat birge.

Dálkkádatrievdadeamit buktet davviguovlluide earret iežá bivvalet dálvviid ja dábáleappot maiddai arvá dálvet - nugo mii leat hárjánan oaidnit muohttagis.

Dutkit ja boazoolbmot dadjet boazodoallu lea álu buoragit birgen iežas heivehit dálkkádatrievdademiide. Muhto go šaddet eanet sisabahkkemat boazoguohtunguovlluide - nugo bieggamillot ja mineral-roggamat - ii leat sealvi boazodoallu nagoda rievdadit nugo ovdal. Dan čilge Ellen Inga Turi, doavttirstipendiáhtta Ealat-prošeavttas:

– Boazodoalus lea hui olu siskkáldas máhttu maid sáhttet geavahit  dálkkádatrievdademiid duostut - vearrát lea dieđusge jos boazodoalus eai leat eatnamat šat gos sáhttá guođuhit, de ii leat boazodoalus boahtteáigi nugo mii otne dovdat. Jáhkán hástalussan lea unnidit eanamassima, jos galgat nagodit duostut dálkkádatrievdademiid.

Anna Sunna
anna.sunna@sr.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".