Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

NJUOLGA VÁSTÁDUSAT REGIOVDNAÁŠŠIS

Publicerat tisdag 19 oktober 2010 kl 12.40

Västerbottena leanadikkis leat buot čieža bellodaga ovttaoaivilis ráhkadit ovtta áidna stuora regiovdnagieldda davvi-Ruoŧas. Dat mearkkašivččii ahte dat njeallje davimus leana ovttastahttojit.

Norrbottenis, Västerbottenis, Västernorrlandas ja Jämtlandas orrot oktiibuot lagabui miljovnna olbmo ja gurutbellodaga Ewa-May Karlssonne mielas lea dárbu bargat ovttas go dárbbaša ollu olbmuid jos galgat nagodit váikkuhit.

Dat gieža bellodaga Västerbottena leanadikkis leat ikte buktán guokte molssaeavttu: buohkat ovttas ráhkadit stuora nu gohčoduvvon regiovdnagieldda dehe vuordit dassážii go buot njeallje leana leat válbmasat searvat.

Dat mearkkaša ahte sii hilgot ovdalaš ohcamušaid ráđđehussii, mat livčče mearkkašan ahte davvi-Ruoŧŧa juhkkojuvvošii guovtti oassái.

Dalle Norrbotten, Västerbotten ja oassi Västernorrlandas ohcet lobi ásahit ovtta regiovnna ja Jämtlanda fas háliidii ásahit iežas regiovnna Sjietjevaellie ja Ånge gielddaiguin.

Ráđđehus ii mieđihan dasa ja bijai johtui fas ođđa stáhta guorahallama.

Dál lea Västerbottena politihkkariid ulbmil ásahit regiovdnagieldda guokte duhát njealljenuppelogis.

Risttalašdemokráhta áirras Anders Sellström ii jáhke ráđđehusa dohkkehit eará go ovtta áidna regiovdnagieldda davvi-Ruoŧas  - ja son sávvá danin ahte eará leanat čuovvolit dan sin jurdaga dal.

Duommá Sarri ja Ruoŧa Radio Västerbottena Anna Burén

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".