Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Konvenšuvdnaevttohus moitojuvvo hirbmadit’

Publicerat tisdag 26 oktober 2010 kl 14.44
Hilgut boazodoallosoahpamusa
(1:55 min)
Gárdi Härbergsdalenis, Raedtievaerie. Govva: Ann-Louise Rönestål-Ek, SR Jämtland.

Máŋga ásahusat ja eiseválddit Ruoŧas moitet dal Ruoŧa-Norgga boazodoallosoahpamuša garrasit.

Advokáhttaovttastupmi oaivvilda ahte soahpamuš sáhttá rihkkut sihke Ruoŧta ja riikkaidgaskasaš lágaid, Vealahanáittardeaddji mielas váilu riektanalysa evttohusas ja leanastivra Jämtlandas surrá váikkuhusain.

Gárddis Nåaras, davvi Jämtlandas ballet Radtievaerie  boazobargit massimis dálveláidumiid norggabeale orohagaide.

Boazodoallosoahpamuš galgá stivret duollonjuolggadusaid, vearronjuolggadusaid ja vearjolágaid mat leat čadnon rádjerasttildan boazodollui.

Muhto dasa lassin mearrida soahpamuš gos ja goas beassá guođuhit goabbáge beali ráji

Ruoŧŧa-beale čearut leat ovttajienalaččat hilgun evttohusa go oaivvildit máŋga cearu masset dálveláidumiid norggabeale orohagaide.

Čearut ožžot doarjaga iešguđet ásahusain – Advokáhttaovttastupmi oaivvilda ahte soahpamuš sáhttá rihkkut sihke Ruoŧŧa ja riikkaidgaskasaš lágaid ja Vealahanáittardeaddji váillaha riekteanalysa evttohusas.

Björn Brodin lea guorahalli Vealahanáittardeaddji eiseválddis ja son lohká evttohusa váikkuhusat leat hui eahpečielgasat.

Leanastivra Jämtlandas ballá maiddái ahte leana davvičearut masset dálveláidumiid norggabeale orohagaide.

Muhto leanastivra cealká maiddái ahte Härjedalena čearuid dálveeatnamat gádjot evttohusa jelgii.

Leanastivra lea danin hilgun evttohusa ja boazodoallohoavda Kristina Jonsson lohká leanahearrá dal áigu váldit oktavuođa ráđđehusain.

Jörgen Heikki ja Radio Jämtlanda Ann-Louise Rönestål Ek

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".