Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Boazobargu lea váralaš bargu

Publicerat onsdag 13 april 2011 kl 10.16
Váralaš bargu
(1:36 min)
Helena Partapuoli. Govva: Thomas Sarri, SR Sámi Radio

Boazobargu lea okta dain váraleamos bargguin Ruoŧas. Maŋemuš 40 jagi leat 150 boazobargi sorbmanan lihkohisvuođas barggus - dat mearkkaša boazobargu lea duppalit váraleabbot go boandá bargu ja meahccebargu.

Per-Anders Vannar, Sirgá čearus, muitala go son lei lihkohisvuođas.

 – 2003 mun ledjen lihkohisvuođas. Skohterin gopmánin ja geahppát ráigáne ja visot erttetdávttit doddjoje ja oalgi, suotna mii doallá dávtti oalggis lea vatnan. Vižže mu ambulánssain ja ledjen moadde vahku Jiellevári lasaredes.

Per-Anders Vannar birgii bures lihkohisvuođas. Iežáin manai heajubut. Maŋemus 40 jagi leat 150 boazobargi sorbmanan barggus - dat mearkkaša 3 bargi jagis. Dábálepmosit lea sorbmanit skohterlihkohisvuođain. 

Vultjerere dutkanguovddáš lea válbmen čoahkkáigeasu dás ja dutkanhoavda Per Sjölander dadjá ahte okta sivva sorbmanemiid lassáneapmái sáhtálii leahkit hoahppu ja organisašuvdna boazobarggus. Streassa eatnamiid ávkkástallamiin, meahcielliin ja ekonomalaš gánnáhahttin.

Helena Partapuoli, lea nuorra boazoeaiggát Leavážis ja son áigu joatkit boazobarggus vaikko leat olu lihkohisvuođat:

 – Dat lea garra dovdu, mun in dieđe jos lea ráhkisvuohta vai mii lea. Mun in dieđe dat han leat diet, dat lea dego ruoktu. Boazu lea du ruoktu, dadjá Helena Partapuoli.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".