Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Ovdaskuvlafálaldat ii leat dohkálaš

Publicerat onsdag 19 oktober 2011 kl 15.54

Skuvladárkkistandoaimmahat moaitá unnitlogugielaid hálddašangielddaid go eai fála ovdaskuvlla earret iežá sámegillii. "Gielddat fertejit iskat makkár dárbu lea unnitlogugielat ovdaskuvllas", dadjá skuvladárkkistandoaimmahaga Mirzet Tursunovic.

Mannan giđa lea skuvladárkkistandoaimmahat iskan dili 47 hálddašangielddas main lea geatnegasvuohta fállat ovdaskuvlla sáme-, suoma- ja meängillii. Guorahallan čájeha ahte ollu gielddat eai fála ovdaskuvlla, eaige dieđit ahte gávdno vejolašvuohta oažžut ovdaskuvlla eatnigillii. Measta bealli gielddain eai ge leat iskan makkár dárbu lea.

Leat oktiibuot 18 sámi hálddašangieldda Ruoŧas, gávccis dain eai oba dieđit ge sámiide ahte gávdno riekti sámi ovdaskuvlii ja njealjis fas eai fála ovdaskuvlla obanassinge sámegillii.

Muhto raporta čájeha seammás ahte sámi hálddašangielddat leat veaháš buorebut bargan suoma hálddašangielddaid ektui. Gieža dain 18 sámi gielddas eai leat čájehan makkárge váilevašvuođaid. Leat 32 suoma gieldda ja dain leat dušše ovccis main eai leat váilevašvuođat.

Muhto eanas oassi gielddain ožžot ge moaitámuša ja skuvladárkkistandoaimmahat ávžžuha visot gielddaid buorebut gulahallat unnitlogu ovddasteddjiiguin ja vel bálkádit sierra olbmo gii bargá dušše unnitloguáššiiguin.

Mirzet Tursunovic dadjá ahte sin guorahallan čájeha ahte dainna lea buoret vejolašvuohta ollašuhttit unnitlogulága gáibádusaid.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".