Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Sápmi

Sáminuorra vuolgá EU:ii

Publicerat måndag 24 oktober 2011 kl 13.39

Otne vuolgá ruoŧabeal sámi nuoraid organisašuvdna Sáminuorra EU-parlamentii Strassbourgas, Fránskkas. Leat logi oasseváldi ja ulbmil lea lobbat sámi áššiid EU-politihkkariidda. Sii galget earret iezá gávnnadit ruoŧa EU politihkkariiguin, EU-ráđiin ja olbmuiguin geat barget olmmošlaš vuoigatvuođa áššiiguin.

Per-Jonas Partapuoli guhte lea okta dain logi oasseváldis geat vulget dadjá ahte Sáminuorra lea guhká bargan ovddidit sámi áššiid ja juohkit dieđuid sámiid birra ruoŧa ráđđehussii.

- Muhto dat ii leat geavvan. Sii beare badjelgehččet min olles áiggi. Diibma manaimet gurssas Brysselis gos oahpaimet EU birra. Ja okta diŋga lea ahte EU:as lea hui ollu dadjamuš. Danin vuolgit dal Strassbourgii.

Váldoulbmil reaissuin lea go Sáminuorra áigu lágidit konferánssa sámiid birra Brysselis boahtte jagi.

- Dasa mii leat meidnen bovdet sámi diehttiid, nugo RSR, Sámi Ráđđi ja maid Sámediggi. Dat lea dat deháleamuš juste dán reaissuin muhto maiddái muitalit sámiid birra go doppe eai dieđe maidege sámiid ja sápmelasvuođa birra, dadjá Per-Jonas Partapuoli, Sáminuoras.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".