Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Ruvkeplána buktá balu

Publicerat tisdag 25 oktober 2011 kl 16.35

Stuora ruvki mii sáhttá buktit ollu bargosajiid lea plánejuvvon Johkamohkái. Muhto ballu lea ahte dát lea oanehisáigge čoavddus.

Guovllus leat juo dulvaduvvon eatnamat čahcefámu geažil. Muhto dal leat dat bargosajit jávkan ja Johkamohki gieldda olbmuide leat báhcan billistuvvon eatnamat:

– Vuoi vuoi, stáhta gal lea billistan dán luonddu. Gal dii oaidnibehtet daid háviid maid sii leat dahkan ja dat eai buorrán goassege, dadjá boazoeaiggát Valko-Nilsa, Nils Walkeapää.

Son lea Stuor Juleva eatnogáttis Porjusis, Johkamohki gielddas. Son gal bures lea vásihan mii dáhpáhuvai ovddit gearddi go dáppe ledje stuora industriprošeavttat jođus ja eanut dulvaduvvojedje.

Dal lea ođđa stuora prošeakta jođus. Stuora ruvki lea plánejuvvon Johkamohki gildii. Nilsa ballá ahte guovllu olbmot fas govssahallet

– Moaddelogi jagi rogget ja billistit eatnamiid. Dat válde dan maid sii hálidit dienidit ja nu guđđet daid rokkiid dasa go gerget.

Ođđa ruvki Gállakjávregáttis mielddisbuvttašii birrasii 300 ođđa bargosaji Johkamohkái, Beowulf Mining fitnodaga dieđuid mielde.

Johkamohki gielddahearrá oaidná stuora dárbbu bargovejolašvuođaide, vaikko eatnamat billistuvvojit.

– Roggi gal šaddá go gerget doppe, dadjá Andersson muhto gielddabealis jurddašit ahte ovdáneapmi lea dárbbašlaš. Go birrasii 70 olbmo jahkásaččat guđđet gieldda de lea ruvkeplána dehálaš čoavddus.

Gielddapolitihkkar birasbellodagas Henrik Blind mielas ođđa ruvki lea oanehisáigge čoavddus.

– Mon jáhkán ahte lea ilá oanehis perspektiiva dás. Sii lohket ahte dan málmma dušše sáhttá roggat birrasii 30 jagi ja dat lea beare oanehis perspektiiva dadjá Blind.

Ovdal ledje duhátviissan bargosaji Vattenfall-elfápmodoaimmain dáppe. Dal eai leat báhcán go 20 fásta bargosaji ja guoros kontuvrrat.

Nilssa mielas ferte jurddahit veahá dobbelii go maid njunni olli.

– Mii sámit leat agis orrun dáppe ja ain maŋŋel ruvkki ja čáhccefámu mii boahtit dáppe leahkit. Midjiide šaddá hirbmat váivi ja stuora vahágat, muitala Walkeapää.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".