Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Dalarna/Jämtland

Áššáskuhtton dievddut návdebivddus diggerievttis otne

Publicerat måndag 3 november 2014 kl 16.55
1 av 2
2 av 2
Protester utanför vargrättegång i Mora. Foto: Anders Hellström/ SVT

Vihtta dievddu geat leat áššáskuhtton balahuvvojit leamaš návdebivddus Jämtlándda ja Dalarna leanaid rádjeguovllus. Otne leat gearregat diggerievttis Moras Dalarna leanas. Áššáskuhtton olbmát eai mieđit ahte sis leai áigumuš bivdit návddiid muhto ahte ledje vadninbivddus. 

Mora Diggerievttis Dalarna leanas álggahuvvojedje otne gerregat gos vihtta dievddu leat áššáskuhtton áigumis goddit návddiid Lillhärdal guovllos Jämtlánddas. Áššáskuhtti Åse Schoultz oaidná dán garra bivdorihkkomin ja ahte dievddut galget dubmehallojuvvot go leat bivdolága rihkkon. Son oaivvilda ahte dievddut leat leamaš návdeguovllos ja guorahan návddi ulbmiliin goddit vai sorbmet.

Okta dain áššáskuhtton dievdduin galgá skuterin, gpsan ja beatnagačeabetbáttiin čuvvon ja oaguhan návddi seammás go eará albmat leat vuordán ja leamašan gergosat báhčit. Dievddut fas lohket ahte sii eai lean áigon bivdit návddiid ja ahte ledje vadninbivddus muhto dasa ii jáhke áššáskuhtti Åse Schoultz. 

Otne leat maiddái miellačájeheapmi Mora diggerievtti olggobealde mas garrasit cuiggodit Ruoŧa riektevuogádaga. Okta miellačájeheddjiin Mats Persson dadjá ahte sii leat vuolgan doarjut daid olbmaid go sin mielas šaddet gillat riekteskandála.

- Lága jelgii ii oačču leat seammá guovllus gos návdi lea lihkkan. Eallit hal leat doppe gos lea geahppasit lihkket nugo skuhterluottaid mielde ja jus daigo boahta skuhteriin, de áššaškuhtto ja dasálassin leat vel virgeolbmot válljen beali, dadjá Mats Persson

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".