Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Stefan Mikaelsson: "Eahpeluohtámuš duođalaš dillin stivrii"

Publicerat torsdag 8 januari 2015 kl 16.16

Sámedikki ságadoalli oaidná ahte Sámeskuvlastivra lea hui duođalaš dilis go eanetlohku lea dieđihan eahpeluohtámusa stivrra ságadoallái, go oaivvildit ahte virgádeapmi sámeskuvllarektoris ii lea dahkkon riekta.  

Sámedikki ságadoalli Stefan Mikaelsson oaidná dili hui duođalažžan go eanetlohku sámeskuvlastivrras leat dieđihan eahpeluohtámuša ságadoallái.

- Dát lea hui duođalaš dilli stivrii mii hálddaša 33 miljuvnnasaš bušeahta. Soaitá ahte lea iežálágán dilli mii lea dagahan dán stuimmi, dadjá Mikaelsson. 

Sámeskuvllastivrra čoahkkimis, guokte vahku áigi, válljejuvvui ođđa rektora Johkamohki sámeskuvlii, muhto golbma stivralahttu eai dohkket čoahkkima go oaivvildit ahte ságadoalli Börje Allas ii leat čuvvon mearrádusaid virggádeamis ja ahte akta lahttu ii ožžon vejolašvuođa jienastit.

Dán čoahkkima čoahkkinbeavdegirji ii leat ge dárkkistuvvon.

Ságadoalli Börje Allas ii searvva jearahallamii muhto lohkká Ođđasiidda ahte son ii leat gieldán geange jienasteamis ja oažžui dieđu easká maŋŋá go mearrádus leai váldon ahte lahttu galggai searvat jienasteapmái.

Sámediggi dat nammada lahttuid sámeskuvlastivrii aktan skuvlahovddain. Sámeskuvlastivra lea stáhtalaš eiseváldi mii hálddaša Ruoŧa vihtta sámeskuvlla.

Akta lahttuin geas ii leat luohtámuš ságadoallái meidne ahte čoahkkinbeavdegirjji sáhttá dárkkistit ođđa čoahkkimiin, muhto eahpeluohtámuš dili ferte Sámediggi čoavdit.  

- Jus beavdegirjjit eai dárkkistuvvo, ja vel go lea sáhka nu stuora ruđas ja bargoveagas, de ferte vihkedallat galgá go dievasčoahkkin mearridit dilis. Muhto su sávaldat lea ahte stivra ieš čorgi dili, dadjá Stefan Mikaelsson. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".