Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
SÁPMI

Ođđa njuolggadusat vádduda meahcieallilohkama

Publicerat måndag 12 januari 2015 kl 15.38

Ođđa njulggadusat, mat leat heivehuvvon norggabeliin, vádduda meahcieallilohkama ruoŧabeal Sámis. Boazoolbmot oidnet váttisvuođaid ja gávdno ballu ahte masset meahcieallibuhtadusaid. 

Sárevuomi čearru lea okta dain 14 čearuin Norrbottenis geat eai mannan dálvvi basttan čađahit meahcieallilohkamiid ja ballu gávdno ahte masset buhtadusaid.

- Ferte measta vuordit goas buorre ilbmi šaddá. Mannan jagi leai gal heittot, borggat ja biekkat ja albasa galga rugádit gávdnat ovdal maŋemus beaivvi guovvamánus, dadjá Nils Petter Labba, gii ovddasvástida meahcieallibargguid Sárevuomis.

Mannan dálvvi rájis leat seammálágán meahciealli lohkanmálle Norggas ja Ruoŧas ulbmiliin ahte ovttastahttit riikkaid meahcieallilohkama. Leat guokte málle: baikkaid čoaggit ja biejuid rehkenastit. Ja biejuid ferte máŋgii sihkarastit luottaiguin ja govaiguin ovdal go duođaštuvvojit. Stefan Forsmark gieđahalli Sámedikkis, mii máksá meahcieallibuhtadusa čearuide, oaidná váttisvuođaid njuolggadusaiguin.

- Duohta lea ahte leat leamaš heajus dálkkit mat leat váddudan ohcanbarggu muhto dat eai leat dušše dálkkit mat buktet váttisvuođaid. Ođđa njuolggadusat dagahit ahte lea mihá váddásit duođaštit biejuid, dadjá Stefan Forsmark. 

Magnus Kristoffersson, gii gieđahallá meahciealliáššiid Luonddugáhttendoaimmahagas meidne ahte leat buorit duođaštusnjuolggadusat vaikko dálkkit váddudit lohkanbarggu. 

- Dálki lea váttisvuohta juohke sajis ii beare Norrbottenis ja danin lea ge buorre ahte mis leat DNA- iskkusat mat duođaštit biejuid, dadjá Magnus Kristoffersson. 

Čearut geat eai leat basttan čađahit lohkamiid ožžot buhtadusa Sámedikkis ovdalaš jagiid lohkamiid mielde. Muhto Nils Petter Labba mielas gal dárbbahivčče loddjet duođaštusdeattu.

- Mearrádusa galggalii beassat meahcis dahkat: Jaha, dát lea biedju. Dat guovttis geat leaba meahcis čearu bealde ja eiseválddi bealde, dadjá Nils Petter Labba.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".