Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Ođđa ruvkeásaheapmi lea dal loktejuvvon ráđđehusa beavdái

Publicerat tisdag 13 januari 2015 kl 16.37

Leaváš čearru, Girona gielddas, davvi Ruoŧas lea válljen ráđđehussii váidit ruvkefitnodaga Avalon Minerals lobi álggahit ruvkki. Guovlu lea gieldda plánas bidjon ruvke-ja industria guovlun. ​

Dal leat plánat rahpat dán boares ruvkki Goddegoppas, jur Girona davvelis. Leaváš čearru vuosttilda daid plánaid.

- Prospekteremat viidot ja viidot Viscaria birra ja de lea maiddái dan ahte go dát fitnodat ostii dan Ráhkkora gávdnosa Kiruna Ironis, de mis lea ballu ahte dat guokte guovllu gullojit oktii, dadjá Niila Inga, Leaváš čearu ságadoalli

Goddegoppas leai doaimmas veaikeruvki mii heaittihuvvui 1990-logu loahpas. Australia ruvkefitnodagas Avalon Minerals leat doaibmanlobit guovllus, nammalassii lohpi álggahit ruvkki.

Vapsten čearru, Västerbottena leanas maid loktii sullii guokte jagi áigi Rönnbäcken ruvkeplánaid ráđđehussii, bohtosiin ahte ráđđehus bealoštii ruvkedoaimmaid. 

Boahtte mánu 15 beaivvi galgá Leaváš čearru guođđit ollislaš váidaga ráđđehussii.

Avalon Fitnodat lea hirpmástuvvan dáinna vuosttildemiin ja sii áigot vuosttažettiin gulahallat čearuin.

- Mon in lean vuordán váidaleami, danin go dát plánat leat boares Viscaria ruvkeguovllus, gos oba easka lea roggojuvvon, dadjá Malcolm Norris, Avalon Minerals beaivválaš jođiheaddji. 

Girona gielddas ii leat mearridanváldi ruvkeásahanáššiin, vaikko leat ovdal gieldán Avalon fitnodaga plánaid Ráhkkora guovllus, Leaváš čearus, go gieldda mielas leat ealáhusat guovllus deháleapput.

Kristina Zakrisson, gielddaráđđi gironis dadjá ahte sii leat miehtán dása, go guovlu lea gieldda huksenplánas ruvke-ja industrijjaide.

Niila Inga lea surus ja jáhkká ahte otná ruoŧa minerálapolitihkkain ii dáidde nu buoragit mannat muhto doaivva goit lea ahte čearru vuoitá áššis.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".