Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
SÁPMI

Boazodoallit oaivvildit ođđa dábit hehttejit sin barggu

Publicerat onsdag 14 januari 2015 kl 15.56

Johtolatdoaimmahat lea fáhkkestaga heaitán dieđihit boazodolliide Ruoŧas go bohccot vuojahallojuvvojit togain. Ollu boazodoallit imaštallet ja surret makkár váikkohusat šaddet.  

Čearut leat juovlamánu rádjái ožžon sms-dieđuid go bohccot vuojahallot togii.

Muhto johtolatdoaimmahat leat mearridan ahte dieđihit čearuide easka dalle go leat čorgen visot eret ruovderaŧis.

- Ferten gal dadjat ahte sii leat vuodjan njuolga min badjel, eai leat váldán oktavuođa čearuiguin. Mearrádus lea juo váldojuvvon golggotmánus lean dal gullan ja mii eat leat ožžon diehtit maidege, hui heajus bargu johtolatdoaimmahagas, dadjá Ingemar Blind, boazodoalli Girjása čearus, Jiellevári gielddas.

Per-Mats Öberg johtolatdoaimmahagas meidne ahte leat váldan dán mearrádusa sihkarvuođa dihte 

- Leat leamaš olbmot ruovderaŧi nalde geat eai galgga doppe leahkit, danin mii leat mearridan rievdadit dábiid, dadjá Öberg. 

Maŋemus jagiid leat birrasii duhát bohcco vuojahallojuvvon juohke jagi, togain Ruoŧas.

Ingemar Blind muitá diimmá dáhpáhusa go sullii vihttalogi heakka vuojahallui oktanaga, ja oaivvilda lea dehálaš báigala oažžut diehtit go juoga dáhpáhuvvá. 

- Go bohccot mannet doaresbeallái meahccái, eai bargit goit doppe oza. Mii fertet iežá ohcat jus leat loavkašuvvon bohccot, dadjá Blind.  

Johtolatdoaimmahat lea dal álgan gulaskuddat boazodolliiguin ja soitet rievdadit daid ođđa dábiid go boazoolbmuin leat nu garra moaitámušat. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".