Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Jåhkåmåhkke/Jokkmokk

Rektormoivi dagaha suru váhnemiidda

Publicerat torsdag 15 januari 2015 kl 17.41

Sámeskuvlastivra eai baste soabadit rektorvirgádeamis Jåhkåmåhkke sámeskuvlii. Váhnemat ballet moivves dilli čuohcá mánáid oahpahussii.

Jåhkåmåhke sámeskuvlii leat guhká ohcan ođđa rektora, dilli ii leat vel čovdojuvvon ja rektorvirgádeapmi lea gártan moivin. Váhnemat dáppe Jåhkåmåhkes surret ahte dát sáhttá čuohcat oahpahussii.

- Diehttelaš šaddá surru sihke váhnemiidda ja skuvlabargiide. Sávvamis dát ii vel váikkut mánáide, dadjá váhnen Anna Karin Länta

Maŋemus čoahkkimis mearridii Sámeskuvlastivra gii galgá virgáduvvot rektorin Jåhkåmåhke sámeskuvlii, ja dan maŋŋá lea bargošiehtádus čállojuvvon. Muhto Sámeskuvlastivrra ságadoalli hilgu dán mearrádusa go su mielas stivra lea juo ovdalaš čoahkkimis mearridan virgádit iežá ohcci.

Jåhkåmåhke sámeskuvlla lea stuorimus Ruoŧa vihtta sámeskuvllain ja dáppe vázzet birrasii 60 oahppi. Moives dilli sámeskuvlastivrras gos politihkkarat eai soabat suhttada váhnemiid.

- Lea šállosahtti go ii leat doaibman buoragit, ja in dieđe manin lea nu. Muhtomin imaštan jus sámeskuvlastivralahttuin lea doarvái máhttu skuvlla ja skuvlaáššiid birra, dadjá Anna Karin Länta

Olu váhnemat oahppiide Jåhkåmåhke sámeskuvllas, geaiguin mii leat ságastan dadjet ahte sii eai oaččo dieđuid mii dáhpáhuvvá.

Sámeskuvlastivrra ságadoalli Börje Allas ii hálet kommenteret ášši ja Ođđasat leat ohcan Sámeskuvlastivrra hovdda Björn Hedlund muhto eat lea gávdnan su ságaide.

Váhnen Anna Karin Länta dadjá ahte sii eai divdde skuvlla gahččat heajos mearrádusaid geažil.

Juovlamánu 2013 rájis lea sámeskuvllas leamaš sadjásaš rektor. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".