Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
GIRON/KIRUNA

Ain eahpečielggas gosa parlameantavistti šaddá

Publicerat onsdag 21 januari 2015 kl 19.19

Ruoŧa Sámedikki parlameantavistti lea leamaš ádjás proseassa. Diibma giđa ožžo evttohusa njealjját huksensaji Gironis, muhto dál áigu ruvkefitnodat iskkat huksensaji vuđoleappo ja Sámedikki stivra álgá geahčadit eará gielddain vejolaš huksensaji

Mannan giđa lei buorre doaivva go Sámedikki stivra manai geahččame huksensaji maid Girona gielda evttohii sidjiide, muhto Sámedikki stivra leat dál fas meannudan áššii go leat čoahkkanan Gironii stivračoahkkimii.

- Sis leat guokte mearrádusa, ahte čállingoddi joatká bargat huksenbáikkiin dápe Gironis, muhto áigot evttohit dievasčoahkkimii geahčadit eará báikái huksensaji parlameanttavisttái, dadjá Håkan Jonsson, Sámedikki stivraságadoalli.

Dat huksensadji mii lea fállon Sámedikkevisttái lea hui lahkka dološ ruvki, ja LKAB ruvkefitnodat lea dieđihan Girona gildii ahte dan dihte áigot vuđoleabbo iskat dan eatnama ovdal go sáhttet dohkkehit dan huksensadjin.

- Go galget huksegoahtit ođđa gávpotguovddáža boares ruvkki báldii de áigot vuđoleabbo iskat ahte eatnama ala sáhttá hukset nu stuora visttiid. Ii loga maidege čájehit hehtehusaid, muhto sihkkarvuođa dihte isket guovllu, dadjá Pia Lindblom, LKAB fitnodagas. 

Sihke Árvviesjávrrie ja Jåhkåmåhkke gielddat leat fállán huksensajiid Sámedikki parlameantavisttái. Håkan Jonsson dadjá ahte Sámedikki stivrra bealis lea áigumuš álggahit huksema nu jođánit go vejolaš.

- Sin mielas orru álkkideame barggu jus gehččet eará báikkiid, máŋgga gielddain leat gárvves huksensajit gosa ledje sáhttit huksegoahtit oalle fargga.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".