Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Ruoŧŧa/Suopma

Ovttasbargu boliissaid gaskkas rádjeguovllus

Publicerat torsdag 22 januari 2015 kl 15.16
1 av 2
2 av 2

Ruoŧa ja suoma boliissat álggahit dal ovttasbarggu rádjeguovllus. Ulbmil lea buoridit bálvalusa rádjeguovllu olbmuide. Oahpahus boliissaide goappaš bealde ráji lea jođus, buorre mokta muhto veaháš ballu giellaváttisvuođaid ektui. 

Gárasavvonis leat mannan čavčča máŋgii leamaš sisagaikumat ja suoladeamit gávppiin. Lagamus boliisa lea Gironis ja dat buktá váttisvuođaid gávpeolbmáide. Lea 18 miilla Gironis Gárasavvonis, eaige boliissat geargga nu johtilit boahtit, dadjá gávpeolmmái Sven Eliasson.

Dal galget ruoŧa ja suoma bolissat álggahit ovttasbarggu buoridandihte boliisabálválusa rádjeguovllus. Áigumuš lea ahte ruoŧa boliisa galgá sáhttit bargat ránnjáriikkas ja nuppeládje. Láhkarievdadusat ja bargu ovttastahttit riikkaid boliisabarggu goappaš riikkain lea dal jođus ja daid beivviid lea oahpahus nuppi riikka boliisanjuolggadusaid birra. Suoma kriminálapoliisa Jarko Räisänen ii oainne erohusaid báljo ollenge muhto dadjá ahte lea vearrat giela ektui.  

- Sáhttá šaddat váttis muhton bargoguimmiide geat eai leat hárjánan ruoŧastit ságastit ruoŧagiela bahás diliin ja boliisaáššiin, dadjá Jarko Räisänen

Norrbottena boliisa lea guhkes áiggi bargan dainna ahte oažžut láhkaásaheami mii addá vejolašvuođa bargat suomabealde ja dal leat ollen nu guhkás ahte sáhttá šaddat duohtan geasset 2016.

- Mon oainnan stuora vejolašvuođaid ovttasbargguin. Diehttelaš mii háledit bargat rastá ráji ja veahkehit nuppiid go lea dárbu. Váldoášši lea ahte guovllu olbmuin lea boliisabálvalus beroškeahttá man riikkas orru, dadjá Norrbottena boliisahoavda Håkan Karlsson. 

Sven Eliasson oaidná dán ovttasbargu buori movttain ja doaivva lea ahte eanet boliissat lihkket Gárasavvonaguovllus. 

- Lea mihá eanet boliisabálvalus suomabealde, doppe goit oidnojit raŧiid mielde ja go bohtet dággo meaddel, de mohkkastit ruoŧabeallái nai. Das gal ferte áhpu, dadjá Sven Eliasson.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".