Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
ON-guorahallan/FN-granskning

Ruoŧŧa ii áiggo vel dohkkehit ILO 169 soahpamuša

Publicerat måndag 26 januari 2015 kl 18.56

Ruoŧŧa ávžžuhuvvui dohkkehit ILO 169 soahpamuša otne, ON olmmoš vuoigatvuođa ráđi dárkkisteamis. Muhto dan Ruoŧŧa ii áiggo dahkat báigála, sii galget iskat dohkkeheami

Otne lea Ruoŧa delegášuvdna čilgen gokte Ruoŧŧa áigo olmmoš vuoigatvuođa áššiiguin bargat. Čieža riikka gáibidedje ahte Ruoŧŧa galgá dohkkehit ILO 169 soahpamuša, mii nanne sámiid rivttiid eatnamiidda ja čáziide. Muhto Ruoŧŧa ii leat gearggus dan dahkat.

- Ruoŧŧa deavdá juo muhtin gáibádusaid, muhto eananvuoigatvuođa ášši lea váttis ja mainna Ruoŧŧa  máŋga jagi lea bargan. Son sávvá ahte davviriikalaš sámesoahpamuša mielde gávdnat juogalágán čovdosa, dadjá Annika Söder, olgoriikadepártemeantta kabineahttačálli.

Juohke njeallját, viđát jagi 2008 rájes, lea ON:a olmmoš vuoigatvuođaráđđi dárkkistan gokte riikkat barget dákkár áššiiguin. Nugo mánáidrievtte- ja vealahanriekteáššiiguin. Ja olles dán vahku bistet dal dárkkisteamit dáppe ON:a váldodálus Genevas.

Sámiráđđi mii čuvvo ON-proseassaid ja sámeriekteáššiid ii imaštala Ruoŧa vástadusa.

- Jáhkán ahte lea láddángážaldat, gal Ruoŧŧa maiddái dohkkeha dán. Lea han sámi soahpamuš evttohusas mii gárvvásmuvva 2016, de das leat eanavuoigatvuođa evttohusat ja jus dat ollášuvvet ja dat golbma davviriikka rátifiserejit dan, de sáhttá Ruoŧŧa rátifiseret maiddái ILO soahpamuša, dadjá Sámeráđi Anne Nuorgam. 

Vihtta jagi áigi dárkkistuvvui Ruoŧŧa vuosttaš geardde ja dalle oažžui sullii logi ávžžuhusa mat gusket njuolga sámi rivttiide, muhto dalle eai dohkkehan ovttage.
Dákkár dárkkisteapmi mearkkaša ahte áššit čálmmostahttojuvvojit riikkaidgaskasaččat, ii ahte riikkat fertejit muktit lágaid.

Min reportar Jörgen Heikki guhte lea čuvvon proseassa, iige imaštala ahte Ruoŧŧa ii dohkket ILO:a. 

- Gal dat leai oba vurdon. Dat lea dát politihkka mii lea leamaš Ruoŧas maŋŋemus jagi. Muhto seammás dat lea veahá eahpevurdon go stáhtaministtar Stefan Löfven dajai jearahallamis ovdal válggaid ahte son lea gearggus dohkkehit ILO-spahpamuša 169. Muhto son ii oro riekta ipmirdeame ahte Sosialdemokráhtain lea hui garra vuostteháhku dán soahpamuša vuostte. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".