Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Auscwitz

70 jagi áigi go Auschwitz rahppojuvvui

Publicerat tisdag 27 januari 2015 kl 16.29
1 av 2
2 av 2

Otne lea 70 jagi áigi go Auschwitz-Birkenau heavahanleaira bestojuvvui. Olles máilbmi muitá otne daid olbmuid geat doppe gottahalle ja sin geat besset heakkain eret ja muitoseremoniijat dollojuvvojit máŋggain báikkiin. 

Mannan geasi manai Nils-Olof Parfa 25 iežá unnitlogunuoraiguin Auschwitzas, Polenis, oahppat ja oaidnit iežaset čalmmiiguin daid goddinleairraid maid Naziduiska ásahii nuppi máilbmesoađi áiggi.

- Leai nu čorga jurddahuvvon ja nu árpmoheapmin. Eai lean jurdagat ahte oktat galggai birget, visot galge jápmit. Namaid válde eret sis ja árvu leai unnit go divrris, muitala Nils-Olof Parfa.

Otne lea juste 70 jagi áigi go ruošša soalddáhat ollejedje Auschwitz-Birkenau čohkkenleirii ja beste olbmuid doppe. Dán rádjái ledje badjel miljuvnna olbmo gottahallon dušše dan leairras. Lea Gleitman ii lean 17 jahkásaš go bidjui leirii muhto son birgii. Son muitala makkár dovdu sis leai doppe.

- Ii oktage beroštan mis. Mii leaimmeet vajálduvvon olles máilmmis ja ollásit bievvaliid gieđaid siste. Jus vuosttildii de vuhče dakkaviđe, muitala Lea Gleitman.

Ikte oaččui ruoŧa stáhta moaitámušaid iežá riikkain ON:a olmmošvuoigatvuođa dárkkisteamis ahte vašširihkusat unnitloguid vuostá lea lassánan Ruoŧas maŋemus áiggi ja Nils-Olof oaivvilda ahte lea dehálaš diehtit ja muitit nuppi máilbmisoađi dáhpáhusaid

- Jus ii dieđe mii lea dáhpáhuvván ja manin, de ii muite moaitit ja loktet jiena jus juoga manná boastut. Lekkos ruovttus dehe iežá guovllus, dadjá Nils-Olof Parfa. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".