Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Ubmeje/Umeå

Reeremereakta edtja Ubmejen tjïelten gïehtjedidh.

Publicerat fredag 30 januari 2015 kl 13.08
1 av 2
Foto: John Bakke/SVT
2 av 2
Foto: John Bakke/SVT

Mij lea dihte vaenemes maam dah tjielth maehtieh darjodh numtie dah unnebelåhkoegielelaaken mietie berkien, lea dam maam David Kroik håhkesje Reeremereaktoe edtja tjïelkestidh.

 

 Ikth våhkesne akte aarhskuvlebarkije båata gie edtja David Kroiken nyøjtetjine saemiestidh. David ij tuhtjh dihte nuekies jih sæjhta nyøjteyjinie naan gille våhkoeh Snåesese vuelkedh guktie maanetje åådtje saemien byjresisnie årrodh. Menh Ubmejen tjielte ij tuhtjieh daate dej diedte.

 -- Im guarkah guktie maehtieh jiehtedh eah leah dej dïedte, gosse eah maehtieh saemien aarhskuvlem faaledh. Dellie åtnam  tjïelte maahta maam akt jeatjah mijjese faaledh, David jeahta.

Ubmejen tjïelte  lea saemien reeremedajve 2010 raejeste orreme. Dïhte unnebelåhkoelaake tjïeltijste kreava abpe jallh lehkie dehtie aarhskuvlefaaleldahkeste edtja saemiengïelesne årrodh jis gïeh eejhtegijstie dam birresjieh. Daelie edtja reeremereaktoe gïehtjedidh mejtie tjïelte laaken mietie barkeme. Moa Brydsen lea aarh- jïh maadthskuvlemoenehtsen åejvie Ubmejen tjïeltesne, jïh dïhte jeahta  sijhtieh væjkalåbpoe sjïdtedh.

- Daelie jienebh jienebh eejhtegh sijhtieh saemiengïelem sijjen maanide utnedh. Dah edtjieh dej gujmie rååresjidh guktie dam buektiehtidh. Moa Brydsen saarnoste dej ulmie lea saemien aarhskuvlem rïhpestidh.

Dæjmetje jaepien reeremereaktoe Lusspien tjïeltem gïehtjedi, mænngan goh såemies eejhtege  dam saemien faaleldahkem klååkeme. Kulturdepartementen dïedte unnebelåhkoegïelide vaaksjodh. Dah vaestiedin tuhtjieh hijven døøpmestovle åådtje tjïelkestidh guktie edtjebe laakem lohkedh jïh guarkedh.

– Manne hov tuhtjem daerpies laakem tjïelkestidh, guktie maehtebe saemiengïelem aarhskuvlesne krïevedh, jïh ij barre ånnetji, ij barre naan gille tæjmoeh våhkesne jallh akte viehkiebarkije dahkoe båata naan aejkien askesne mij edtja maanaj gujmie saemiestidh, David Kroik jeahta.

Máret Steinfjell
maret.steinfjell@svt.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".