Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Upmeje/Umeå

Bivnnuhis gávnnadanbáiki rávvaset sámiide

Publicerat tisdag 10 februari 2015 kl 16.06

Oktii juohke vahkus gávnnadit rávvaset sámit Upmis, Västerbottenis. Gávnnadeapmi lea hui bivnnut oasseváldiid gaskkas ja addá oktiigullevašvuođa stuora gávpogis.

Såhkie sámesearvvi lanjas Tráhppies, Upmi gávpogis, gullojit bohkosat ja muitalusat doložis juohke gaskavahku. 2010 rájis lea Upmi gielda jođihan doaimma rávvaset sámiide giellahálddašanruđaiguin. Dáppe besset rávvaset sámit gávnnadit, ságastit ja duddjot ovttas.

- Lea nu buorre joavku, sii muitalit nuppiide got sii leat eallan ja sii buohtastahttet árbevieruid, sániid ja dadjanvugiid, dadjá Aina Nilsson gii lea okta dain gii measta juohke gaskavahku boahtá gávnnadeapmái.

Upmi gieldda sámi koordináhtor Monica Sandström muitala ahte gávnnadeapmi lea hui bivnnut ja lagabui 20 bohtet juohke geardde.

- Lea rabas doaibma mas vuorrásat ieža mearridit maid háledit dahkat. Mii plánet ovttas ja mon geahččalan dahkat doaimma nu vuohkkasin go vejolaš, dadjá Monica Sandström. 

Ollusiidda lea dát doaibma šaddan dehálaš gávnnadanbáikin ja Åsa Zakrisson gii ii leat  bajásšaddan sámeservodagas dadjá ahte dát gávnnadeapmi addá sutnje oktiigullevašvuođa iežá sámiiguin.

- Sutnje lea dehálaš ja háleda leahkit oassin sámi servodagas vaikko sus eai leat iežas muittut. Son goit dovdá iežas sápmelažžan, dadjá Åsa Zakrisson.

Anette Niia
anette.niia@svt.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".