Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Sápmi

Njuolggoakšuvdna olahii bealle miljuvnna olbmuide

Publicerat onsdag 11 februari 2015 kl 11.56
Jenni Laiti. Foto: Carl-Johan Utsi/carljohanutsi.com
Jenni Laiti. Foto: Carl-Johan Utsi/carljohanutsi.com

Mannan vahkus sámi álbmotbeaivvis čađahedje sámi dáidárat ja aktivistat njuolggoakšuvnna Alice Bah Kuhnke galledeami oktavuođas. Dal lea manifeasta olahan badjel bealle miljuvnna olbmuide.

Njuolggoakšuvnnas čuohpai Maxida Märak oappa Mimi Märak vuovttaid ja čuohpadettiin logai Mimi Märak Sámi manifeasta 15. Das leat oktiibuot 9 čuoggá, main čilgejuvvo earret eará manin ferte suddjet eatnama, manin iešstivrejupmi lea sápmelaččaide dehálaš ja manin galgá giela gáhttet.

- Leat hui duđavaččat njuolggoakšuvnnain, dat lihkostuvai hirbmat bures. Njuorasmuvvan Kuhnke logai akšuvnna maŋŋel ahte dat leai dehálaš, čáppat ja morašlaš.

- Olaheimmet Alice váibmui ja dasálassin badjel bealle miljuvnna eará olbmuide, dat lea stuorra ášši. Akšuvdnafilbma lea juo gehččojuvvon badjel 20 000 háve ja okta akšuvdnagovain lea leavvan miehtá máilmmi nu ahte dan leat oaidnán badjel bealle miljuvnna olbmo, lohká Jenni Láiti preassadieđáhusas.

Sámi manifeasta čuoččuha, ahte rievdadeapmi ii dáhpáhuva vuosttildemiid haga ja ahte dal lea áigi čoahkkanit, mobiliseret ja dekoloniseret. Sámi manifeasta 15 leat guhtta dáidára vuolláičállán.

- Ulbmilin lea lonohallat máhtuid ja dieđuid goabbáge guvlui, muhto maiddái geavahit sin fierpmádagaid min áššiid čalmmostahttimii. Dat lea stuorra ášši midjiide ja sámeaktivismii, danin go min ulbmil lea leamaš olahit riikkaidgaskasaš dássái ja dál mii leat dahkamin dan. Jáhkán, ahte jus háliidat rievdadit sámevuoigatvuođalaš dili ja stáhtaid sámepolitihkaid, de fertet bargat riikkaidgaskasaš dásis, dakko bokte váikkuhit ja bidjat pressa stáhtaide, nu Supmii, Ruŧŧii go Norgii, čuoččuha Jenni Laiti preassadieđáhusas.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".