Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Sápmi

Heahtedoarjjaohcamušat Sámediggái

Publicerat onsdag 11 februari 2015 kl 19.30
Bohccot biebmogárddis. Govva: Frida Fernqvist
Bohccot biebmogárddis. Govva: Frida Fernqvist.

Dán rádjái leat 22 čearu ruoŧabeal Sámis ohcan heahtedoarjaga Sámedikkis. Golbma čearu leat juo sádden ohcamuša juovllaid áiggi, logis ođđajagemánus ja loahppa ovcci čearu dal guovvamánus. Čearut čilgejit ággan ohcamuššii heajus guohtun ja ollu muohta.

Sámedikki hálddahuslaš gieđahalli ealáhusossodagas Kristina Hotti muitala ahte otná beaivái lea Sámediggi čađahan guohtuniskkusa 12 čearus. Áigumuš lea boahtte vahku geargat guohtuniskkusiiguin ja de galget Sámedikki bealis bidjat čoahkkái visot dieđuid ja váldit mearrádusaid ohcamušain.  

Maŋemus gávcci jagi oktiibidjan heahtedoarjagis vuoseha ahte dálvi 2006/2007 leai oláhus, dalle ohce 41 čearu doarjaga ja 37 čearuide mieđihuvvui doarjja. Diimmá dálvi, 2013/2014 leai maiddái heajus dálvi guohtuma ektui, 40 čearu ohce veahki ja 35 čerrui mieđihuvvui.

Dálvvit 2008 gitta 2010 ožžo guoktelogi čearu heahtedoarjaga ja jagi maŋŋel ledje dušše guokte čearu mat ohce heahtedoarjaga muhto ii goabbaige mieđihuvvon veahki.  

Jus čerrui mieđihuvvo heahtedoarjja heajus guohtuma geažil, de Sámediggi gokčá beali dain goluin ja čearut mákset ieža nuppi beali. Dán gávcci maŋemus jagi lea ollislaš gollu heahtedoarjagii leamaš veahá badjelas 90 miljuvnna ruvnnu.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".