Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Sámediggi/Sametinget

ILO 169 lea vuoruhuvvon, oaivvilda ministtar

Publicerat onsdag 11 februari 2015 kl 16.44

Ruoŧŧa lea oalle máŋgii ožžon riikkaidgaskasaš moaitámušaid go eai lea ratifiseren ILO 169 konvenšuvnna. Ruoŧa sámeministtar deattuha ahte áššiin bargojuvvo ráđđehusa bealis ja sihke son ja Sámedikki stivrajođiheaddji bidjaba doaivva buoret gulahallamii.

Ruoŧŧa lea guhká ávzzuhuvvon ja cuiggoduvvon, maŋemus geardde leai ON olmmošvuoigatvuođa dárkkisteamis, go ii leat vel ratifiseren ILO-konvenšuvnna. Ruoŧa sámeministtar buktá čielga dieđu. 

- Sii ožžo ávžžuhusa bargat ILO-konvenšuvnna ratifiseremiin ja son háliida deattuhit ahte dát bargu ii leat bidjon eret. Ráđđehusa bealis barget juste dal garrasit dáinna áššiin, dadjá Alice Bah Kuhnke

ILO 169 konvenšuvdna guoská eamiálbmogiid rivttiide ja movt daid galgá suddjet ja riikkat mat dohkkehit konvenšuvnna galget lágaid bakte ovddidit eamiálbmogiid rivttiid. 

Duollet dálle oažžu Ruoŧŧa riikkaidgaskasaš moaitámušaid go eananvuoigatvuođa áššit eai leat vel čovdojuvvon. 

Sámeministtar oaidná davviriikkalaš sámekonvenšuvnna maid dehálažžan buoridandihte Ruoŧa sámepolitihkka.

Ja dasa gal čuovvula Sámedikki stivraságadoalli maiddái.

- Son doivo ahte easká álggahuvvon gulahallan ráđđehusain, buktá bohtosiid. Diehttelas sin gáibidit ILO konvenšuvnna dohkkeheami ja seammeládje davviriikalaš sámekonvenšuvnnain, dadjá Håkan Jonsson

Sámeministtar Alice Bah Kuhnke dadjá ahte gulahallan lea váilon. Su mielas dat vuohttu eanas áššiin ja son meidne ahte sámiin ii leat leamaš vejolašvuohta buktit ovdán iežašet oainnuid.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".