Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Sámediggi/Sametinget

Ii leat diehtu gii šaddá stivrra várreságadoalli 

Publicerat torsdag 12 februari 2015 kl 16.38

Ruoŧabeal Sámedikkis ii leat leamaš stivravárreságadoalli mannan čavčča rájes. Boahtte vahku lea Sámedikkis dievascoahkkin ja dalle galgá várreságadoalli válljejuvvo, muhto gii šaddá ii leat diehtu. 

Sámedikki stivrras váilo várraságadoalli ja dal galgá válljejuvvot ođđa, maŋŋel go Min Geainnu Ol-Johan Sikku geassádii mannan čavčča. Visot bellodagat leat ovttaoaivilis ahte fertejit válljet várreságadoalli, muhto gii - dan eai sahte dadjat.  

- Dat lea juoga man ferte digastallat sihke dievasčoahkkimis ja bellodagaid gaskkas. Deháleamos lea ahte dat olmmoš lea gelbbolaš, iige makkár bellodagas lea, dadjá Sámedikki stivraságadoalli Håkan Jonsson. 

Sámedikki stivra lea propošunalaláččat válljejuvvon, stivrensajit bellodagaid sturrodagaid jelgii. Vaikko Ol-Johan Sikku geassádii visot luohttámušámmáhiin, maŋŋel go su bellodatstivra guđii eahpeluohttámuša su vuostá, lea son ain álbmotválljejuvvon áirras. Min Geainnus lea miella doalahit várrestivrasaji - muhto ii oktage bellodagas hálet váldit dán ovddasvástádusa. Sara Larsson muitala ahte bellodagas galget dal ságastit dan birra boahtte basi. 

Opposišuvnnabellodagat Guovssonásti, Vuovdega ja Sámiid Riikkabellodat, dadjet ahte sis ii leat mihkkege dadjamuš guhte galggášii šaddat várreságadoallin. Sin mielas lea deháleappo digastallat dan ámmáha bálkka birra. 

- Diehttelaš ahte Sámedikki stivra dárbbaha várreságadoalli. Muhto mon in leat seammá oainnus go eanetlohku Sámedikkis ja Sámedikki stivrras ahte dat galgá leahkit ollesáiggis. Mon anán ahte dat galgá leahkit dego ovdal lea orrun. Ahte várreságadoalli galgá bargat jus ságadoalli ii sáhte ieš orrut mielde, dadjá Sámiid Riikkabellodaga jođiheaddji Ingrid Inga.



                                                                                                       Anna-Karin Niia
                                                                                                       anna-karin.niia@svt.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Användarkommentarer

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".