Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Sámediggi/Sametinget

Sámedikki boahttevaš sámepolitihka fas áigeguovdil Sámedikkis

Publicerat onsdag 18 februari 2015 kl 15.51

Measta 20 jagi áigi álggahuvvui ruoŧa Sámedikkis bargu hábmet Sámedikki boahttevaš sámepolitihka. Lávdegottit lea álggahuvvon ja heaittihuvvon. Dal lea goit Sámediggi dohkkehan stivrra ođđa evttohusa boahttevaš sámepolitihkii vaikko sierramielalašvuođat bistet ain.

Sjädtavallie gávpotviesus, gaska Ruoŧas lea Sámediggi otne dohkkehan evttohusa ođđasit álggahit barggu hábmet Sámedikki boahttevaš sámepolitihka. Ášši lea guhká digaštallojuvvon go leat sierra oainnut das.

- Olbmot čearuid siste dárbbahit oadjebasvuođa ja diehtit ahte ii rievdda nu ollu čearuid siste. Lea sáhka das ahte galget leahkit seammá rievttit muhto maid dat mearkkaša duohtavuođas, dadjá Sámiid Riikkabellodaga lahttu Britt Sparrock.

Juo 1996 ásahii Sámediggi bargojoavkku guorahallandihte sámi eana, čáhce ja servodat áššiid. Joavku ii buktan ovttat evttohusa ja áiggi mielde dat heaittihuvvui. Logi jagi maŋŋel leai fas áigi geahččalit ja Siidajuogus ásahuvvui, mas ledje lahtut juohke bellodagas ja vaikko joavku leai ovttamielalaš hilggui Sámediggi joavkku čállaga. Okta vel joavku lea geahččalan guorahallat sámi rivttiid ja oallut mošuvnnat leat maid gieđahallojuvvon. Dát lea Sámedikki deháleamos gažaldat, dadjá stivrra ságadoalli.  

- Visot eamiálbmogiin leat nanu čanastumit eatnamiidda ja čáziide. Sii dihtet ahte dán áššis leat berošteaddjit hui sierralágán oainnuiguin ja bidjat daid oktii oktasaš bargu, dat buktá veaháš moivvi, meidne Håkan Jonsson. 

Otna mearrádusa mielde galgá evttohus boahttevaš sámipolitihkii buktojuvvot ovdan beannot jagi geažis ja bargui galgá áššedovdijoavku čadnojuvvot. Vaikko gávdno veaháš ballu, de lea goit doaivva ahte mearrádus mielddisbuktá buoret sámi politihka, danin go dal lea áigi buoridit sámepolitihka Ruoŧas dadjá Britt Sparrock. 

- Lea dehálaš álggahit konkrehtalaš barggu gos čorga geahčča váttisvuođaid ja reiste guorahallat got boahttevaš sámepolitihka galgá leahkit. Lea dehálaš váldit veahki ja ráđiid áššedovdiin, dadjá Britt Sparrock. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".