Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Ođđa oahpponeavvut sámegillii

Publicerat tisdag 17 november 2015 kl 12.36
Ođđa oahppaneavvogirjjit julev- ja davvisámegillii gávdnojit dal 1-3 luohkás.
Ođđa oahppaneavvogirjjit julev- ja davvisámegillii gávdnojit dal 1-3 luohkás.

Dál gávdnojit ođđa oahppaneavvogirjjit sámegillii luohkáin 1-3. Lea sámeskuvlastivra mii lea jorgalahttan servodatdieđa- ja luonddudieđagirjjiid SO-boken ja NO-boken julevsáme- ja davvisámegillii.

Dát lea sámeskuvlastivrra prošeakta man prošeaktajođiheaddji Nils Henrik Sikku lea jođihan. Davvisámegiel jorgalusa leaba John E Utsi ja Miliana Baer dahkan ja Barbro Lundholm julevsámegillii. Jorgalanbargu lea sámeskuvlastivra goasttidan ja lea máksán sullii 500 000 ruvnnu. Lea sámeskuvlastivra mii lea válljen makkár girjjiid galgá jorgalahttit ja SO-girjji leaba Göran Körner ja Maria Willebrand čállán ja NO-girjji Gitten Skiöld ja Lennart Enwall. Girjelágádus Natur & Kultur addá olggus dáid girjjiid.

Nils Henrik Sikku muitala ahte bargu álggahuvvui diibmá juovlamánus ja lea leamaš hirbmat stuora prošeakta mas earret golbma jorgaleaddji leat leamaš mielde guhtta gielladárkkisteddji ja korrektuvralohki. Ollu návccat leat bidjojuvvon dáidda girjjiide ja girjelágádusa bealis leat maiddái leamaš olbmot mielde bargame. Nils Henrik Sikku šállosa go eai nákcen oažžut mielde orjješsámi jorgaleami dán prošeavttas. Sivvan dasá lea go orjješsámegiel ámmátjorgaleddjiin ii lean asttu dahkat jorgalusaid ja prošeakta ii sáhttán vuordit sin.

Sikku lea duhtivaš girjjiiguin ja dadjá ahte dain leat dárkilis čilgehusat ja fiinna illustrašuvnnat. Girjjit leat čállojuvvon álkkes čielga gielain ja gokča visot geađgeáiggis gitta planehtaid rádjái.

- Sisdoallu addá mánáide buori ipmárdusa manin eallin lea nu got lea. Dát lea buorre ovdamearka got sáhttá bargat vai sámemánát ožžot albma oahpponeavvuid iežas gielas, dát girjjit loktejit sámegiel árvvu, dadjá prošeaktajođiheaddji Nils Henrik Sikku gii maiddái lea bargan teakstadoaimmaheaddjin prošeavttas.

Maiddái sámeskuvlastivrra sadjásaš hoavda Annchatrine Brandén lea duhtivaš go prošeakta lea nohkan ja girjjit gávdnojit válbmasat oahpahussii.

- Mon šadden jur lihkolaš go oidnen girjjiid, leat nu fiinat. Mis lea nu stuora dárbu sámegiel oahpponeavvuin ja dát girjjit eai leat dušše sámeskuvlaoahppiide. Dat leat ávkin maiddái integrerenoahppiide gielddaskuvllain, dadjá Annchatrine Brandén.

Dal galgá sámeskuvlastivra dahkat rekláma oahpaheddjiide vai sáhttet boahtte skuvlajahkái oastit sisa daid muhto Brandén ii eahpit ahte oahpaheaddjit váldet bures vuostá dáid girjjiid.

Oahpponeavvut servodat- ja luonddudiehtagis luohkáide 4-6 galgá maiddái álggahuvvot dal. Nubbi stuora prošeakta mas sámeskuvlastivra lea ožžon ruđaid skuvladoaimmahagas lea dahkat buriid oahpponeavvuid juohke sámegielas.

- Sámegiel oahpponeavvut lea juoga mii lea nu váilevaš ja seammás nu dárbbašlaš. Meinnet lea ahte jođihanjoavku álgá bargat dainna prošeavttain ođđajagemánus, muitala Annchatrine Brandén, sámeskuvlastivrra sadjásaš hoavda.


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".