Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Sin bohccot eai šat áitte arvevuvddiid

Publicerat tisdag 17 november 2015 kl 16.53

Siiledje fuolas das go goaridedje eará álgoálbmogiid birgejumi danin go šaddebiebmat bohccuideaset. Fuođđar buvttadeaddji ráhkadii ođđa fuođđariid sidjiide.

Buriin oamedovdduin biebmá Jijnjevaerie ságadoalli Marianne Persson, bohccuidis, dál go sin bohccot eai šat áitte arvevuvddiid.

- Dál mii leat biebmagoahtán ođđa fuođđariin, renfor nära, maid Lantmännen leat ráhkadan, nu go mii dáhtuimet, dadjá Marianne Persson.

Jijnjevaerie čearru šaddá bohccuideaset biebmat dan dihte go sin dálveeana lea bieggamillopárkan šaddan, bieggamillofitnodat máksá sin biebmangoluid. Čakčat fuomáše boazodoallit Jijnjevaerie čearus ahte fuođđariin lea pálbmaolju ja dainna eai hálit bohccuid biebmat. Danin go pálbmaoljubealddut báhkejit eret eará álgoálmogiid iežaset guovlluin. Danin čearru gáibidii eará fuođđariid iežas fuođđarbuvttadeaddjis.  

- Dát ii lean ođđa jearaldat midjiide ja lea ášši mainguin mii leat guhká bargan. Mis ledje juo pálbmakeahtes fuođđarat mielke- ja biergoelliide, nu ahte dát lea seammá konseapta, pálbmakeahtes buvttagat, dadjá Kajsa Öhman, buvttadanhoavda Lantmännen fitnodagas

Pálbmaolju boahtá gilvopálbmmain, dan dihte njeidet arvevuvddiid. Pálbmaolju gávdno maid olbmo biepmuin. Sumatras, Indonesias bulii arvevuovdi máŋggaid vahkkuid, fitnodagat áigu saji ráhkadit eanet pálbmagilvvadagaide. Boaldit lea dat hálbbimus vuohki, muhto ribahedje dola ja badjel 20 njealjádaskilomehtera bulii.

Jáhkat go ahte eará boazosámit jurddašit seamma ládje go dii?

- Juo, mun sávan goit. Dan dihte go mun in hálit ahte sápmelaččat, dahje mii sápmelaččat eat hálit leat hehtehussan eará álgoálbmogiidda, dadjá Marianne Persson.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".