Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

“Leago Sámediggi bidjame hatti sátnefriddjavuhtii”

Publicerat torsdag 19 november 2015 kl 13.26
Sámedikki kulturlávdegoddi dárkkista prošeaktaohčamusaid beare sakka
(2:07 min)
Nils-Henrik Sikku. Fotograf Katarina Pirak-Sikku (pressbild)
Nils-Henrik Sikku. Fotograf Katarina Pirak-Sikku (pressbild)

Bágo čálliidsearvi imaštallá go Sámedikki kulturlávdegoddi lea álgán suokkardallat ovdalgo juollodit ruđaid prošeavttaide. Unohaš dadjá Nils Henrik Sikku, Bágo čálliidsearvvis.

Bágo čálliidsearvi lea ohcan 25 000 ruvnna doaluid dihte maid áigot čađahit Johkamohki márkaniid oktavuođas dán dálvvi. Muhto Sámedikki kulturlávdegottis háledit dál diehtit gean Bágo čálliidsearvi áigo bovdet seminárii logaldallin. “Geat lea jurddašuvvon girječállit, teakstačájeheaddjit, estráda lohkkit ja nu áin? Leatgo jerrojuvvon?” čállá Sámediggi.  Nils-Henrik Sikku lea Bágo čállidsearvvis ja son gal dán imaštallá:

- Dát buktá vuđolaš jearaldagaid. Man bággu mus lea vástidit? Leago sátnefriddjavuođas sámi haddi?

Karin Mannela Sámedikki kulturráđis lohká sutnje leahkimen ođđa diehtu. Ahte lea administrašuvdna mii hálddaša ohcamusaid ja válbmet áššiid kulturlávdegoddái ja Mannela ii loga iežas seahkánan dasa.

Nils-Henrik Sikku lea ožžon áigemeari ja ferte odne vástidit Sámedikki kulturráđđái jus galgá ruđaid oažžut:

- Dát lea duođain unohas. In dieđe maid dagan. Orro gártame muhtinlágán sámi sátnefriddjavuođa moment 22, dadjá son.

-  Galggan go muitalit geat áigot leahkit mielde ,vai leago buoret in muital danin go sáhttá geavvat nu sinsiidda eai dohkket min gussiid? Vai geavvá go nu, jos in muital de eai oba gieđahalage ohcamusa. Ja de eat oaččo evrre ge ja nu lea njálbmi gitta, dadjá Sikku.

Karin Mannela lohká ipmirda ahte olbmot suorganit. Go ii leat su mielas sin ášši seahkánit dasa geaid Bágo vállje bovdet. Son galgá ieš dál gulahallat administrašuvnnain čielggadandihte ášši.


Lars-Ola Marakatt
lars-ola.marakatt@sverigesradio.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Användarkommentarer

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".