Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Ođđa lávlla oaivvilduvvon buot eamiálbmogiidda

Publicerat fredag 20 november 2015 kl 09.33
1 av 2
Sofia Jannok. Foto: Anneli Germann / SVT
2 av 2
Sofia Jannok. Foto: Anneli Germann / SVT

Dál almmuha Sofia Jannok ođđa lávlaga. Mainna háleda oktii čatnat sámiid iežá eamiálbmogiiguin.

– Mon lean álo váldán beali Sámis ja sámiid ovddas. In dieđe iežá, lean bajásšaddan dakkár birrasis gos lea diehttelas ahte mii leat sámit, mii gávdnot ja mii leat álo gávdnon, muitala Sofia Jannok.

Otne almmuha Sofia Jannok fas ođđa lávlaga,“We are still here”. Nama bijai das go ollusat jáhkket ahte sámit gullojit historjái. Lávlagiin háleda Sofia čatnat oktii eamiálbmogiid miehtá máilmmi ja loktet doaivaga oidnosii. Lávlagis lea, nu got ieš dadjá, veahá ČSV-vuoigŋa.

– Dat lea elektronalaš bihtta mii heive dánseláhttis. Das leat ollu power-juoigan ja čielga dajahusat... Dat lea muitalus dan birra ahte sii leat geahččalan min duolbmut muhto eai leat lihkostuvvan, mii gávdnot ain, dadjá Jannok

Beroštit servodagas, suddjet birrasa ja luonddu leat dehálaččat Sofiai gii meidne ahte son álo lea čállán politihkalaš lávlagiid muhto geahččalan luonddu hámis buktit ovdan daid dovdduid.

– Jáhkán ahte poesiija sáhttá dahkat ahte ii oainne iige gula áigumuša dainna lávlagiin. Maŋemus áiggi lean viggan čállit eanet čielgasit, nu got áššit leat, muitala Sofia Jannok.

Ja maŋemus áiggi lea ge Sofia čuožžun barrikádaid nalde ja musihka vehkiin garrasit čuollan sámiid vuoigatvuođaid ovddas.

– Musihkas lea symbolalaš deaddu mii bidjá oktii álbmoga, dan lávlagis dehe luođis čoahkkánit. Lean álo jurddašan ahte musihkka galgá govvet dálá áiggi gos mii eallit. Dal lea dát mii dáhpáhuvvá ja dan háledan govvidit, loahpaha Jannok.


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Användarkommentarer

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".