Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Politihkkár ja virgeolmmoš oktanaga ii leat dohkkálaš

Publicerat tisdag 8 december 2015 kl 17.57

Bellodatjođiheaddjit eai ane dohkkálažžan go Sámediggi lea nammadan politihkkára guorahallat Sámedikki giellaáššiid go oaivvildit ahte ii sáhte leahkit álbmotválljen áirras ja virgeolmmoš oktanaga dien barggus. 

Ruoŧabeal Sámedikkeáirras Christina Åhren garrasit imaštallá go álbmotválljejuvvon Sámedikkepolitihkkár lea virgáduvvon Sámedikkis guorahallin. 

- Politihkkalaččat son oaivvilda ahte ii sáhte leahkit politihkkár ja virgeolmmoš seammas. Son ballá dát virgeolbmoráporhta ii leat objektiivalaš. Dat lea su mielas váidalahtti, dadjá Christina Åhren. 

Dat lea Sámedikki ovddit várra ságadoalli Ol-Johán Sikku guhte golmma ohccis oaččui barggu. Diibmá son guđii visot politihkkalaš ámmáhiid ja maid bellodaga Min Geainnu. Raporhta lea oassi Sámedikki giellaguovddáža jahkásaš čilgejumis sámegiela dili birra. Ulbmil lea čalmmostahttit sámi oahpahusa ovdaskuvllas, universitehta rádjái ja loktet dárbbuid vai sámi oahpahus sihkkarastto lágas boahteáiggis. 

Dat lea Sámedikki hálddahushoavda Anja Taube guhte lea virgádan Sikku ja son ii oainne mihkkege ipmašiid virgádeamiin.

- Astoáiggepolitihkkár gal sáhttá iežá barggus leahkit. Dat ii leat mihkkege gummá, báicce lea dáválaš. Muhto jus livčče leamaš Sámedikki stivraságadoalli dat ii livčče geavvan, dadjá Anja Taube, hálddahushoavda.

Sihke Ingrid Inga ja Lars-Jonas Johansson imaštallaba maid virgádeami. Ruoŧas ii leat mihkkege gieldu ahte politihkkár dahká virgeolbmobargguid.

Sameradion & SVT Sápmi leat ohcan Ol-Johán Sikku ságaide kommenteret ášši, muhto eat lihkkostuvvan. 


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Användarkommentarer

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".