Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Sápmi

Sámit oahppan boazodoalu nenetsain

Publicerat torsdag 7 januari 2016 kl 08.46
1 av 2
Rátkagárddis Njavis. Govven: Maria Dahlgren, Sameradion & SVT Sápmi
2 av 2
Rátkagárddis Njavis. Govven: Maria Dahlgren, Sameradion & SVT Sápmi

Ođđa geneologalaš ja arkeologalaš dutkanbohtosat čájehit ahte sámit leat oahppan boazodoalu nenetsain Ruoššas muhto daidda ságaide gal eai sámit Njavi rátkkagárddis jáhke.

Dálá sámi bohccuin lea eanet genehtalaš gullevašvuohta nenetsabohccuide go dološ gottiide sámeguovllus. Ođđa dutkanboađus vuoseha ahte sámit dološ dolin leat oahppan boazodoalu nenetsain davvi Ruoššas. Dan oaivvilda arkeologa ja Ájtte museahoavda Kjell Åke Aronsson.


– Sámiid ja nenetsaid boazodoallu sulástahttá nuppiid ja historjjálaččat lea jáhkehahtti ahte sámit ja nenetsat leat orrun lahkolaga, de ii livčče nu imaš ahte sámit leat oahppan nenetsain, dadjá Kjell Åke Aronsson.

Njavi rátkkagárddis olbmot eai gierdda gullat ge ahte sámit eai livčče ieža oahppan boazodoalu muhto importeren dan máhtu iežá guovllus. 

– Jus nenetsaid ja sámiid boazodoallu leat seammálágánat muhton muddui, dat ii leat mihkkege ipmašit danin go mii eallit dáppe árktalaš guovllus, sámit ja nenetsat. Mis leat seammálágán dálkkádagat, sullii seammálágán eatnamat. Diehttelas min eallinvuohki sulástahttá nuppiid, dadjá Majlis Skaltje.

– Ahte guovtti olmmoščearddas lea seammalágán boazodoallu ii dárbbat mearkkašit ahte nubbi lea oahppan nuppis muhto leat lonohallan máhtu, dadjá Nils Olof Parffa.

Ovdalaš dutkosat vuosehit ahte boazodoallu álgá dálá Ruoššas ja dat leat ge vuođđun ođđa bohtosii.

– 400 ja 600 gaskkas maŋŋel kristusa ihtet ođđa orrunsajit ja árransajit gođiin. De boahtá boazodoallu ja diehttelas dat ovdána sámiid eavttuid mielde, muitala Kjell Åke Aronsson.

– In jáhke ovdal go soames vuoras boahtá ja dadjá dan munnje, dadjá Lars Keinil.


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".