Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Sápmi

Ođđa láhka buktá eahpesihkarvuođa

Publicerat torsdag 7 januari 2016 kl 14.20

Oaivesuodjebággu Ruoŧas ii leat bivnnut boazooolbmuid gaskkas. Vuosttaš ođđajagibeaivvi bođii láhka ahte buohkat geat vudjet skohteriin dahje njealjejuvllagiin galget geavahit oaivesuoji.  

Ođđa jahki buktá ođđa lágaid. Lágat mat eai leat álo heivehuvvon boazoolbmo beaivválaš bargui, nu go oaivesuodjebággu. Nu oaivvilda dát boazoeaiggát.

– Go lea vuomis, dat ii leat go ovddan. Ii dat beasa várdahit ja guldalit, dat lea nu stuoris ja šluppas, čilge Jåvna Allas, boazodoalli Dálmma čearus

Dán jagi vuosttaš beaivvi rájis lea oaivesuodjebággu vuojedettiin skuhteriin ja njealljejuvllagiin Ruoŧas.
Ulbmil lágain lea eastadit olbmuid sorbmaneami, juohke jagi leat heakkavárálaš lihkohisvuođat daiguin fievrruiguin.
Vaikko sihkarvuohta lea dehálaš, lea Sámiid Riikkasearvi gáibidan sierralobi oaivesuoji geavaheamis, go oaivvilda dan hehttehussan boazoolbmuide árgabeaivvis.
Transportstivrras eai sáhte ain vástidit maidege sierralobi birra muhto mearrádus boahtá farggamusat.
Norggas lea leamaš oaivesuodjebággu 2002 rájis mas boazo- ja meahccebargiin lea sierralohpi. Ođđa láhka buktá nai váttisvuođaid norggabeal boazoolbmuide geat guođuhit ruoŧa bealis.

Cokkat go oaivesuoji oaivái go boađát dieke ruoŧabeallái?

– In dal vuos dieđe, ferte oaidnit. Dat lea nu ođas dat láhka, dadjá Aslak Niillas Eira, boazodoalli giellasis, Norgga bealde.

Jåvna dadjá sihkarvuohta diehttelasat dehálaš muhto ferte earuhit got geavaha fievrru.

– Go ealibiiguin bargá, de ii sáhte nu hoahpuin vuodjit. Ii čága mu oaivái ahte mii galgat dárbbahit daid hjealmmiid, dadjá Jåvna Allas.


 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".