Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Girdilihkkohisvuohta Jåhkåmåhke duoddaris

Dutkanbargu lihkkohisvuođabáikkis loahpahuvvo

Publicerat tisdag 12 januari 2016 kl 09.44

Poliisa lea geargan dutkamis poastagirdi lihkkohisvuođa báikki, geassái máhcet Oajevággái dutkat. Stáhta haverikommišuvdna lea gávdnan goappeš čáhppes loađáid, mat sáhttet čielggadit poastagirdi lihkkohisvuođa mii dáhpáhuvai bearjadat ija Jåhkåmåhke duoddariin. 

Textad version på norska kan ses här på NRK Sápmi

Mánnodaga gearggai poliisa dutkamis láivvi gahččanbáikki Oajevákkis, Jåhkåmåhke duoddaris dán hávvái. Bargui máhcet geasset go eana lea suddan. Dassážii lea guovlu giddejuvvon.

Mánnodaga gaskabeaivvi rádjái, ledje 20 olbmo iskanbarggus Johkmohki duoddariin, Oajevákkis, gávdnan dihte vástádusa dasa mii dáhpáhuvai go poastaláivi gahčai bearjadat ija.  Láivi leai manname Oslos Romsii, Norggas.

Stáhtá haverikommišuvdna lea gávdnan goappeš nu gohčoduvvon čáhppes loađáid, mas galget dieđut mii daddjui láivvis ovdal gahčai ja teknihkalaš dieđut. Sis lea doaivvá das gávdnat vástádusaid vaikko leat binnán.

 - Sávvat ahte sáhttá oažžut dieđu dain loađáin, vaikko leat bahuid čovkanan. Jus leat váttisvuođat oažžut dieđuid, de fertejit fas lihkkohisvuođabáikái iskat, dadjá Jonas Bäckstrand, ságadoalli Haverikomišuvnnas.

Loahpalaš ráporta sáhttá ádjánit measta jagi.

Roggi mii sattai go láivi gahčai leai sullii 30 metera viiddis ja 5 metera čieŋal, dán rokkis leat čorgen eret birrasii 200 litera girdiboaldámuša ja Leanastivra lea álgán kártet jus dás leat váikkohusat lundui.

Olmmoš bázahusat leat čohkkejuvvon, nu DNA iskusa bokte galgá vejolaš duođastit ahte ledje guokte olbmo mielde go láivi gahčai. 


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".